Babɛlɩ ɛˈ ˈˈgbu -klaaˈˈ

ˈBho ˈˈnin -klaaˈˈ aˈ dhbhaaˈ ˈdhe ɛ, Noe ɔˈ ˈˈɲnuun -ɲmai -e ʋaˈ ˈɲnʋnkpaeˈ ˈghwlʋɛ ˈˈɲnuun-. ˈˈƝnuun- ʋʋ ˈghwlʋa ʋʋ -diɛˈˈ -dhe ˈjɛɛn-. ˈSʋ ʋʋ muɛn dhɩ -duuˈˈ ˈmʋn in ˈˈti aˈ da ˈbhlʋa ˈˈkpe -ka Zoova ˈtmʋʋn ʋbʋ ʋʋ ˈyea nʋn -dhe ɛ.

ˈKlaa ˈˈgbuzɔncɛ -ˈnʋʋn ˈse Zoova aˈ ghwlu ŋwɔn ˈjhe. Ʋʋ -ghwluɛ ˈe bha bho ʋʋ ˈnaan: ‘-A po ˈˈkwliglɔ -ˈmɛn -a -dei da. -A po ˈˈgbu -klaaˈˈ dhueˈ ʋn ˈye ˈe jhaʋn ˈdhi ɲnin. Ɛ ˈyeɛ nʋn -a ˈye ˈɲnin ˈghwlʋ.’

Dhɛ ʋbʋ a nʋan -dhe ɛ, ɛ ˈse Zoova ˈtʋn nʋn. Ɛmɛn- dɩ ɔ nʋɛn -wɛeˈ ʋaˈ dhbho -ˈnɔn -seaˈ ɲan mun. Jhibho- dhɛ ɔ nʋan ˈmɛn? Ɔ nʋɛnˈ -wɛeˈ ʋʋ -dee ghwlu aˈ kpɛ -duuˈˈ aˈ poaˈ. -Jɛn ʋaˈ ˈŋwɔan bha aˈ ghwluiˈ ˈsʋ ɛ, ʋʋ -ɲnaan ʋaˈ ˈˈgbu -ˈnʋn anˈ pooaˈ i. ˈˈKwiglɔ- ʋa poa -dhe ɛ, ɔɔˈ ˈɲnɩn -nɩn Babɛlɩ. Dhɛ -ˈmɛn ˈdha ɛmɛn- -nɩn “dhɩ aˈ ˈˈjhrii ˈˈbheɛ-.” Ɛmɛn- dɩ ʋʋ -gbaa da ˈbhlʋa ˈˈkpei ʋʋ mun dhɩ -dhee -ˈnɩɩn ˈmʋn in ˈˈtia. ˈKlaa ʋʋ kpa dhɩsaɩn- anˈ nʋanˈ ɲan. ˈDhe ʋbʋ ˈˈklu ɛ, ɲʋn -dhee -ˈnʋʋn -kman Zoova aˈ dɩ ˈmɛn? -Bo -ɔɔ jhia, ɔɔ muɛn ˈe ideedɩ- -ˈnɩn -za.