Nikwe nändre kukwe Jehovakwe jiebiti

Nändre Jehová kukwei jiebiti ye abokän ja töi jeñebiti niara kukwei mikata täte. Nitre kwati käkwe Jehová mikani täte aune tö ngwani kwetre ie ye kädrieta Bibliabätä, salmista iti käkwe ye erere nuainbare.

Kä tädre metre juto nibätä yekäre, nikwe nändre Ngöbö kukwei jiebiti

119:1-8

Jehovakwe kukwe niebare yei Josué tö ngwani kwatibe. Kä tädre jutobätä aune kukwe kwin rabadre bare kräke yekäre tö ngwandre kwe ja brukwä tätebiti Jehovai ye nämene gare ie.

Ngöbö Kukwei ye tä ni töi mike ñaka kä jürä ngwen jabätä kukweta nakainkä nibätä ye ngwane

119:33-40

Kukwe tare nakaninkä Jeremías yebätä ngwane, ñaka kä jürä ngwani kwe jabätä aune tö ngwani kwe Jehovai. Nünanbare jondron braibebiti kwe aune Jehovakwe sribi mikani kisete ye nuainbare kwe.

Ngöbö Kukwei gare metre nie ye tä ni töi mike kukwe driere töi kwatibebiti

119:41-48

Kä jürä ñaka nämene Pablobätä kukwe driekäre nitre ie. Kä jürä ñaka namanibätä kukwe driekäre gobran Félix ie ye ngwane, Jehovakwe dimikai yei tö ngwani kwatibe kwe.

¿Ñongwane tikwe ja töi mikadre bäri kukwe driere töi kwatibebiti?

• Kwelate

• Sribikänti

• Ti mräkätre ie

• Kukwe mada