¿Mä raba kä denkä jai aune ja di bien?

Isaías käkwe mikani gare ye erere juta Jehovakwe tä kä tibienbätä ye kite nirien bäri (Is 54:2). Ye medenbätä, Ju Ja Ükarakrö, ju gätä kri nuainkäre aune edificio sucursal kräke ye ribeta bäri kä ne ngwane. Sribedre ye bitikäre ngübadre kwin aune ruäre ükadrete. Kukwe ne erere känti ni raba kä denkä jai aune ja di bien sribikäre Jehová kräke. Ñodre:

• Ni raba Ju Ja Ükarakrö ye mike mrebe grupo nikwe ye ben

• Ju Ja ükarakrö ye ükadrete ño yebätä ni raba ja kite

• Ni raba Solicitud de voluntario local de diseño y construcción (DC-50) ye juen ne kwe ni ribedre ju sribekäre o ngübakäre ni käite ngwane ni raba nuainne

• Ni raba Solicitud para el programa de voluntarios (A-19) ye juen ne kwe ni raba sribire bämä krati o bäri Betelte o sucursal nikwe yete

VIDEO KUKWE ÜKANINTE EDIFICIO MRÄ SRIBEKÄRE (OTO CHI) YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Ño video mika jatani tuare bäri kä 2014 yete ja känenkäre?

• Video ribeta nikwe jai ye sribekäre, ¿dre nuaindi aune ñongwane mikai krüte?

• ¿Edificio mrä sribedi yekänti nitre sribikä ja töi jeñebiti raba niken sribire ño?

• Ni tö näin sribire Rámapo ngwane, ¿ñobätä ni rabadre solicitud DC-50 ye juen aune sribire ja käite LDC ye ben?

• ¿Jehovata sribi ne jie ngwen ye kukwe meden meden tä mike gare?

• Ni ñaka raba niken sribire siba ngwane, ¿ni raba dre nuainne sribi ye dimikakäre?