NITA JA NGWEN ÑO
Meritre umbre ye mikadre tuin jai ni meye kwrere aune meritre bati ni ngwai ye kwrere
Ja mräkätre umbre ye mikadre tuin jai ni rün aune ni meye ye erere aune ja mräkätre bati ye mikadre tuin jai ni eteba aune ni ngwai ye erere nieta Bibliakwe (ñäkädre 1 Timoteo 5:1, 2 yebätä). Metrere, ja mräkätre brare rabadre ja ngwaitre ye kräke ja töi mike kwin aune mike ütiäte jai.
Ja mräkä brare iti käkwe ñaka kä mikadre mane jabätä aune kukwe mane niedre jire ja ngwai iti ie aune ñaka mikadre ja gaire kwe (Job 31:1). Ja mräkä iti kaibe ñan rabadre ja ngwai iti kaibe ye töi mike ngwarbe jabätä aune ñan töita bökän ja mäkätebätä ja ngwai yebe ngwane, ñan rabadre kukwe ngwarbe niere ie töi mikakäre jabätä.
Nitre umbre ji ngwanka käkwe ja töi mikadre kwin ja ngwaitre kräke, ja ngwaitre tä kukwe ngwentari bökän aune kukwe keteiti tädre kisete niedre kwe ngwane. Aune metrere ja ngwaitre kwe muko ñaka kriemikakäre, ye kräke ja töi mikadre kwin kwetre (Rut 2:8, 9).
VIDEO JA TARE ÑAKA NEKÄ YE NIKWE BÄMIKADRE KONKREKASIONTE: MERITRE KÄN MUKO KRÜTANI AUNE NITRE ULI IE YE MÄKWE TUA, BITI KUKWE NGWANTARITA NE MÄKWE MIKA GARE:
¿Kukwe meden metrerebiti konkrekasion käkwe ja tare bämikani Myint ie?
Konkrekasion käkwe ja tare bämikani Myint ie, ¿ye ñobätä käkwe kukwe kwin mikani gare nitre nünanka niara bäre ie?
Ja mräkätre konkrekasionte käkwe ja tare bämikani, ¿ye käkwe Myint ngängäntre ye dimikani ño?
Meritre testiko konkrekasion mäkwe te yebätä mä töita, ¿ye mä raba bämike ño?