¿Kukwe tare nuainta nierare nibätä ye ngwane dre nuaindre?

Ñäkädre Génesis 37:​23-28; 39:​17-23 yebätä kukwe tare nuainbare nierare Josebätä ye mikakäre gare jai.

Texto yebätä kukwe känändre. ¿Ñobätä José mika nämäne ja tare nike nierare? (Gén. 37:​3-11; 39:​1, 6-10). ¿Kä nuäi te ja tuani kwe kukwe tare ben? (Gén. 37:2; 41:46). Kä jökrä ye ngwane, ¿Jehová dre nuainbare José kräke, aune dre ñaka nuainbare kwe? (Gén. 39:​2, 21; w23.01 17 párr. 13).

Kukwe ruäre ütiäte känändre. Potifar muko kukwe ngwarbe niebare Josebätä, ye ngwane Josekwe kukwe niebare ja dokwäre ya, ye Biblia ñaka mike gare. Ñaka nuainbare kwe ngwane, ¿Ñöbätä namani kwekebe? (Proverbios 20:2 aune Hechos 21:37 mikadre ñärärä). ¿Ñobätä Biblia ñan tä kukwe mike gare jökrä ta kukwe nakaninkä yebätä? ¿Töi kwin meden José dimikani kä ngwen nüke jai kukwe tare namani barebätä yebiti ta? (Miq. 7:7; Luc. 14:11; Sant. 1:​2, 3).

Dre tä nemen gare mäi yebätä töbike. Ngwentari jai:

• “¿Tita Ngöbö mike täte yebätä kukwe tare meden nuain raba nierare tibätä?” (Luc. 21:​12, 16, 17; Heb. 10:​33, 34).

• “¿Kukwe tare nuaindre nierare tibätä ye ngwane dre ti dimikai kä ngwen nüke jai?” (Sal. 62:​7, 8; 105:​17-19; w19.07 2-7).