¿Törö Mäi?
¿Mäkwe ñäkäbarera täräkwata Ni Mikaka Mokre mrä mrä yebätä? Ye erere ngwane, mä raba kukwe ngwantarita ne mike gare ño ye mike gare jai.
¿Meritre mikadre tuin ño jai yebätä Jehovata kukwe kwin bämike ño ni käne?
Meritre tuin ja erebe ütiäte ie. Nitre brare ñan mikata bäri ütiäte meritre ngwä. Tä meritre kukwe nuin. Ja ruin ño meritre ie o tä ja tuin kukwe meden ben yebätä töita. Arato sribi meden mikata kisete ye nuaindi kwetre ie tö ngwanta Jehovakwe (w24.01, página 15 aune 16).
“Munkwe ñan kukwe käme nuen jire chi bentre” nieta Efesios 5:7, ¿ye ni raba mike täte ño?
Nikwe ñaka ja ketadre nitre ruäre ben niebare apóstol Pablokwe. Ñobätä ñan aune ni tädre niaratre ngätäite ngwane ñan rabai nuäre ni kräke Jehová mikakäre täte. Ni ñan tädre niaratre ngätäite ngwärere aune redes sociales yebiti meden gärätä nete (w24.03, página 22 aune 23).
¿Kukwe ngwarbe nieta yebätä ja kriemika raba ño?
Ja ketamuko raba kukwe mike gare nie o kukwe juen nie töi kwinbiti. Akwa kukwe ye metre o ngwarbe ñan gare nie ngwane, nikwe ja ngübadrebiti. Ni ñan gare nie tä correo electrónico juen nie aune nitre apóstata tä ja bämike kwin yebätä nikwe ja kriemikadre arato (w24.04, página 12).
Jehovakwe kukwe ükaite ño Rei Salomón ben, nitre ganinte Sodoma aune Gomorra bätä nitre murie ketani Ñü Kribiti yebe, ¿yebätä dre gare nie aune dre gare ñakare nie?
Jehovakwe nitre ne ganinte kärekäre o ño ye ñaka gare nie. Jehová ie kukwe jökrä gare kwin aune niara tä ni mike tuin bobre jai yebrä gare nie (w24.05, página 3 aune 4).
¿Jehová abokän “Jä” yebätä dre nemen gare nie? (Deut. 32:4).
Jehová ye abokän ni kriemikaka. Tö ngwan raba ie ñobätä ñan aune käre tä kukwe käbämikata kwe mike nemen bare. Arato tä kwekebe, ye abokän ja ngwanta ño kwe aune tä ja töi mike dre nuainne ye ñan kwite jire (w24.06, página 26 aune 28).
¿Dre ni dimikai ne kwe ja rabadre ruin kwin nie konkrekasion madate?
Jehovakwe ni niara mikaka täte kirabe dimikani ño, erere ni dimikai yei tö ngwandre. Konkrekasion mrä te nita ye ñan ketadre konkrekasion käne yebe. Dre nuainta konkrekasion mrä yete ni tädre siba aune ja di ngwandre ja ketamuko kwin känene (w24.07, página 26 nemen 28).
Kukwe bämikata ketamä tä kapitulo 25 tärä Mateokwe yete ¿yebätä dre nemen gare nie?
Kukwe bämikani oveja aune cabra yebätä, yebiti nemen gare nie nikwe ja ngwandre metre. Kukwe bämikani meritre bati ni jätä yebätä, yebiti nemen gare nie ni tädre juto aune mokre. Aune kukwe bämikani talento yebätä, yebiti nemen gare nie nikwe sribidre balente ye ütiäte (w24.09, página 20 nemen 24).
¿Jukwe kri templo Salomonkwe ye nuäi kwin?
Manuscrito kira yete 2 Crónicas 3:4 tä mikani krörö: “120 codo” nga kwin. Ye abokän torre mente kwin 53 metro (175 pies) ye näre. Akwa manuscrito mada ie tö ngwan raba, tä mikani krörö: “20 codo” ye abokän 9 metro (30 pies) ngare kwin nie raba. Kukwe ne tä nüke gare nie ne erere ngwane, pared templobätä ye nuäi mikata gare ye ni raba bämike bäri kwin ja töite aune mika raba era jai (w24.10, página 31).
Ni siervo ministerial kwe “meri itibe” tädre, ¿ye dre gärätä? (1 Tim. 3:12).
Nitre siervo ministerial tädre ja mäkäninte meri itibe ben aune ñan ja mikadre gure ngwarbe kwe. Arato ñan ja töi mikadre meri madabätä, tä ja töi mike muko kwe kräke erere (w24.11, página 19).
Juan 6:53 yete ñan blitata Däkien Jesús Mrö Biani Deu yebätä, ¿ye ñokänti gare nie?
Juan 6:53 yete Jesukwe blitabare niara ngätä kwetadre aune därie ñadre yebätä. Kukwe ne niebare kwe Galilea yete kä 32 ye ngwane, nitre judío kwati jämi tödekebiti ye ie. Akwa kä nikani kwati ta kä 33 ye ngwane Däkien Jesús Mrö Biani Deu ükaninte kwe, ükaninte kwe Jerusalén yete, aune nitre näin kä kwinbiti gobrankäre ben ye ie kukwe ye niebare kwe (w24.12, página 10 aune 11).