Watchtower TÄRÄ JÖKRÄ INTERNETE
Watchtower
TÄRÄ JÖKRÄ INTERNETE
ngäbere
Ü
  • Ä
  • ä
  • Ö
  • ö
  • Ü
  • ü
  • Ñ
  • ñ
  • BIBLIA
  • TÄRÄ
  • GÄTÄ
  • lff k.j.t. 30
  • ¡Mä mräkätre krütani ye raba nünenta!

Video ñaka kukwe ne kräke.

Video ne mika ñaka raba ñärärä gwäune.

  • ¡Mä mräkätre krütani ye raba nünenta!
  • Mä raba nüne kä jutobiti kärekäre. Ja tötikakäre Bibliabätä
  • Subtítulo
  • Kukwe ja erebe
  • JA TÖTIKE BÄRI NGUSETA
  • DRE NIBI GARE MÄI
  • KUKWE MIKE GARE BÄRI JAI
  • Ngöbökwe nitre krütani gaikröta
    ¿Dre drieta nie Bibliabätä?
  • Kukwe kwin erametre ni mräkätre tare nikwe krütani kräke
    ¿Dre drieta erametre Bibliakwe?
  • “Mä ngwai rükadita nire”
    Ni Mikaka Mokre tä Gobran Jehovakwe mike gare (ja tötikara) 2023
  • ¿Nitre gaikröta ye abokän drebätä blitata?
    Kukwe ngwantarita Biblia yebätä
Mada mikadre ñärärä
Mä raba nüne kä jutobiti kärekäre. Ja tötikakäre Bibliabätä
lff k.j.t. 30
Kukwe ja tötikara 30. Nitre ja mräkäre tä monso chi krire garikrota ye kain ngäbiti.

KUKWE JA TÖTIKARA 30

¡Mä mräkätre krütani ye raba nünenta!

Täräkwatare
Täräkwatare
Täräkwatare

Gata tä ni mike ja tare nike aune ulire krubäte, ye medenbätä Biblia tä niere, gata ye abokän ni rüe (1 Corintios 15:26, TNM). Kukwe ja tötikara 27 yete rababa gare mäi Jehovakwe ni rüe ye gaite täte akwa, ¿nitre krütanina yebätä dre rabai bare? Kukwe ja tötikara nekänti, Jehovata kukwe mada kwin käbämike ye rabai gare mäi: ye abokän nitre millón kwati ie ja nire bianta kwe aune rabai nüne kärekäre kä jutobiti. ¡Rabai nünenta! Akwa, ¿ye rabai bare metre? ¿Rabai nüne kä kwinbiti o kä tibienbätä?

1. ¿Ni mräkä tare nikwe krütani ye kräke Jehová tö dre nuaindi?

Jehová tö ja nire bianta nitre krütanina ie. Job ni tödekaka krubäte, niara “täi dobote” ngwane Ngöbökwe ñaka käi kwitaikä jabiti ye nämene gare metre ie. Niebare kwe Ngöböi: “Mäkwe ti kärädi aune tikwe ñäkäi mä käre” (mäkwe ñäkä Job 14:13-15 yebätä).

2. ¿Nitre krütanina ye rükaita nire ye ñokänti gare nie?

Jesús nämene kä tibienbätä ngwane, Ngöbökwe ja die biani ie nitre krütani gakrökäre. Aisete monso chibiti kä nämäne 12 aune meri kän muko krütani ngobo ye Jesukwe mikaninta nire (Marcos 5:41, 42; Lucas 7:12-15). Ye bitikäre Lázaro ja ketamuko Jesukwe krütani. Köböbokära te Lázaro doboi mikani akwa Jesukwe ganinkröta. Orabare kwe Ngöböi biti ngratebare kwe: “Lázaro, jakweta künken”. “Ye btäräbe Lázaro” nämäne nguse, jataninta küken ¡aune nämäne nire! (Juan 11:43, 44). Lázaro mräkätre aune ja ketamuko kwe yebätä kä namani juto ye bämike ja okwäte.

3. ¿Ni mräkätre krütani ye rükaita nire?

Nitre “krütani ye gaikröta” käbä mikata Bibliakwe (Hechos 24:15, TNM). Nitre ganinkröta Jesukwe ye ñan nämäne kä kwinbiti ganinkröta kwe (Juan 3:13). Niaratre ganinkröta nünankäre jankunu kä nebätä ye käi namani juto bätätre. Namani bare ye erere, kä nebera braibe ne kwe Jesukwe nitre millón kwati krubäte gaikröta nünankäre kärekäre kä tibien bä nuäre yete. Niarakwe niebare, nire tä Ngöbö töite ye rükaita nire, ni krütani ñaka niena törö akwa jökrä rükaita nire (Juan 5:28, 29).

JA TÖTIKE BÄRI NGUSETA

Nitre krütanina ye raba nüketa nire, kukwe käbämikata ye rabai bare metre nieta Bibliakwe ye ani mike gare jai. Aune nitre gaikröta ye tä ni töi mike jäme aune ni mike tö ngwen ye ani mike gare jai arato.

Jesús tä Lázaro gainkröta aune nitre töita ñan krütare kukwe yebätä.

4. Jesús raba nitre gainkröta ye bämikani kwe

Jesukwe dre nuainbare ja ketamuko kwe Lázaro kräke ye mike gare jai. Ñäkädre Juan 11:14 aune 38-44 yebätä aune kukwe ne kädriedre jabe:

  • ¿Lázaro nämäne ngwakare ye ñokänti gare nie? (Bersikulo 39 mikadre ñärärä).

  • ¿Lázaro nikani kä kwinbiti akräke Jesukwe gadrekröta kä tibienbätä raba ruin mäi?

VIDEO mikadre ñärärä.

VIDEO: Jesús Lázaro ganinkröta (1:16)

5. ¡Nitre kwati rükaita nire!

Ñäkädre Salmo 37:29 yebätä aune kukwe ne kädriedre jabe:

  • ¿Nitre millón kwati rükaita nire ye nünain medente?

Nitre nämäne Jehová mike täte ye ñan aibe gaikröta Jesukwe; ñakare aune nitre kwati mada gaikröta kwe arato. Ñäkädre Hechos 24:15 yebätä aune kukwe ne kädriedre jabe:

  • Nitre gaikröta ngwane, ¿mä törba nire tuai?

Monso tä ja dükani ye ni rüne tä kwetekä bätäre tidrä.

Töbike nebätä: monso tä ja düke ye nuäre gadrekrö rün kräke, ye erere arato nitre krütanina ye nuäre gadrekrö Jesús kräke.

6. Nitre gaikröta ye raba ni töi mike jäme aune tö ngwen

Bibliabätä blitata Jairo ngängänbätä, kukwe ye käkwe nitre kän mräkä krütani dimikanina aune töi mikani jäme. Kukwe namani bare metre ne mikakäre gare jai, ñäkädre Lucas 8:40-42 aune 49-56 yebätä.

Jesús jämi Jairo ngängän gainkröta känenkri niebare kwe ie: mä ñan rekwetaka ngäbäkre jiebiti jakän, akwa “mäkwe tödeka kwatibe” (bersikulo 50 mikadre ñärärä). ¿Nitre gaikröta ye raba mä dimike ño...

  • ... mä mräkä krütadre ngwane?

  • ... ja nire mäkwe rabadre kukwe tare te ngwane?

VIDEO mikadre ñärärä, biti kukwe ne kädriedre jabe:

VIDEO: Nitre krütanina gaikröta käbämikata ye tä ni mike dite (3:21)

Üai video ‘Nitre krütanina gaikröta käbämikata ye tä ni mike dite’ yebätä: 1. Phelicity krütani jändrinaine, meri testiko tä Veronica töi mike jäme gätäte. 2. Veronica aune ngängän kwe tä meri iti töi mike jäme Bibliabiti.
  • Nitre krütani gaikröta, ¿ye käkwe Phelicity rün aune meye dimikani ño aune töi mikani ño jäme?

NITRE RUÄRE TÄ KUKWE NE NIERE: “Nitre gaikröta nünankäre kä tibienbätä nieta ye ñan era ti kräke”.

  • ¿Mä abokän tä töbike ño?

  • ¿Nitre gaikröta kä tibienbätä ye mä raba mike gare texto medenbiti?

DRE NIBI GARE MÄI

Nitre millón kwati krubäte gaikröta käbämikata Bibliakwe. Jehová tö nitre tuaita nire aune ja di biani kwe Jesús ie nitre gakrökäreta.

Ngwankäreta törö

  • Nitre krütanina ye Jehová aune Jesús tö tuaita nire, ¿ye ñokänti gare nie?

  • Nitre millón kwati gaikröta ye nünain medente: ¿Kä kwinbiti o kä tibienbätä? ¿Ñobätä mätä ye niere?

  • ¿Dreta mike gare mäi mä mräkätre krütanina ye rükaita nire?

Mäkwe kukwe ne nuain

KUKWE MIKE GARE BÄRI JAI

Ni mräkä krütani ngwane kukwe yebe ja tua raba ño mikata gare yebätä ñäke.

“Nitre ja tare nikaka mräkämre jiebiti dimikakäre” (Ni Mikaka Ngwäte, núm. 3 2018)

¿Biblia raba nitre ja tare nikaka mräkämre jiebiti ye dimike?

Ni mräkä tare nikwe tä krüte ngwane (5:06)

Monso kän mräkä krütani dimika raba ño ye mike gare jai.

Ni kökanintari (2:07)

¿Nitre ruäre gaikröta kä kwinbiti? ¿Ni ruäre ñaka gaikröta?

“¿Nitre gaikröta ye abokän drebätä blitata?” (Artículo jw.org)

    Tärä aune täräkwata ngäbere (2006-2025)
    Sesión dikadre
    Sesión kömikadre
    • ngäbere
    • Juandre
    • Mäkwe ükate jai
    • Copyright © 2025 Watch Tower Bible and Tract Society of Pennsylvania
    • Condiciones de uso
    • Política de privacidad
    • Configuración de privacidad
    • JW.ORG
    • Sesión kömikadre
    Juandre