Shawara A Kan Yin Nazari

Ka Ƙara Koya Game da Halayen Jehobah

Idan muna karanta Littafi Mai Tsarki, za mu iya amfani da kayan bincike da yawa don mu ƙara fahimtar sa. Amma ba tara ilimi ne kawai muke so mu yi ba. Ya kamata mu yi bincike da nufin sanin halayen Jehobah don mu ƙara ƙaunar sa. Wata tambaya da za ta taimaka mana ita ce, ‘Mene ne wannan wurin ya koya mini game da Jehobah?’

A bincikenmu, za mu iya yin ƙoƙari don mu ga yadda Jehobah yake nuna ƙauna da hikima da adalci da kuma iko. Amma ba waɗannan ne kaɗai halayen Jehobah ba. Yana da wasu halaye masu ban shaꞌawa. A ina ne za ka samu ƙarin bayani game da halayensa?

Za ka iya samun su a Littafin Bincike don Shaidun Jehobah, a ƙarƙashin jigon nan “Jehobah Allah.” Sai ka duba ƙaramin jigon da ya ce, “Halayen Jehobah,” saꞌan nan ka zaɓi halayen da ka gani a inda ka karanta a Littafi Mai Tsarki kuma ka yi bincike a kan su.