DARASI NA 13

Ka Nuna Yadda Za Su Amfana

Karin Magana 3:21

ABIN DA ZA KA YI: Ka taimaka wa masu sauraronka su fahimci yadda batun da kake tattaunawa ya shafe su kuma ka nuna abin da ya kamata su yi.

Ka yi tunani game da masu sauraronka. Ka yi tunani a kan dalilin da ya sa masu sauraronka suke bukatar su ji saƙon kuma ka zaɓi batutuwa da za su amfane kowannensu.
Ka nuna wa masu sauraronka abin da ya kamata su yi yayin da kake jawabi. Tun daga farko, ka taimaka wa masu sauraronka su ga cewa batun zai amfane kowannensu. A lokacin da kake bayyana muhimman darussa, ka nuna yadda za su yi amfani da darussan. Kuma ka bayyana darussan dalla-dalla.

Yayin da kake tattauna yadda za a yi amfani da ƙa’idodin Littafi Mai Tsarki, ka yi hakan da ƙauna. Maimakon ka faɗi abin da zai sa masu sauraronka su riƙa jin kamar su masu zunubi ne, ka ƙarfafa su su ci gaba da nuna ƙauna ga Jehobah da kuma ba da gaskiya gare shi. Ka nuna cewa ka gaskata za su yi abin da ya dace.