¿Títakɨ Yuútsi Kwie tiukuuhautsítɨa?

Yuútsi warutaayuniyáxɨ keʼaane mekaʼiʼeéni, mɨɨtá Noé metá nuiwaarimaáma warutaawikweitsítɨa (2 Pedro 2:5, 6)

Huuta tewiyaari tuukaari metá tɨkaari pukawiyexɨ kahaunúnuwatɨ, metá Kwie haatsíe peuyunixɨ. Meyunaitɨ teuteri haxa meteʼuʼiyaaríkai mepukwi.

Yuútsi meniwemamatɨkai tawaaríe mɨyuawitsíe mepekɨ metá teuteri wahepaɨ meʼaaneneetɨ ri mekwaʼakɨ. Menaakɨɨné Diablo tɨɨriyamaáma.

Meniukuwiikweeni xeikɨ́a keʼaane kanuuwa taɨtá memaayeteékai. Waɨkawa witari ʼanuyeyaaku, Noé metá nuiwaarimaáma meniukwiiní. Mɨɨtá Yuútsi huutárieka tuukaari kaniwapiítɨamɨkɨ, metá heyeme meʼuʼuuwaátɨ menakɨɨníkuni.

Kwitɨɨwa Yuútsi wataayuuniyá haxa meteʼuʼiyaari metá watawikweitsitɨ́ani ʼaixɨ meteʼuʼiyaari (Mateo 24:37-39)

Diablo metá tɨɨriyamaáma ʼakuxi meteyeweiya teuteri Jehová mekakuʼeniwaánikɨ.

Hiíkɨ tuukaari, Noé muyeikakaaitsíe hepaɨ, meyuwaɨkawatɨ teuteri Jehová mekwaʼenieéku. Yuútsi kwitɨɨwa wakuyeitɨɨ́ani meyunaime teuteri haxa meteʼuʼiyaari (Lucas 17:26, 27).

Hiíkɨ tsieere mexuawe teuteri Noé hepaɨ metekahuutɨ metá Yuútsi Niukíeya meʼeenieetɨ. Mepɨhɨɨkɨ Jehová Niukíeya memɨkuxaáta.