¿Títakɨ tiumɨɨ́ Ketsuútsi?

Ketsuútsi pumɨ́ tahetsíe mieme tuukaari kaxɨɨweéme temexeiyaánikɨ (Juan 3:16)

Haika tuukaari hautineeku Ketsuútsi ʼuʼmɨɨku, hiipatɨ ʼuukari menanukɨɨné mautatekieekaitsíe metá tixaɨ mekateʼukaxei. Jehová penutaánieeritɨakai.

ʼAriké Ketsuútsi puyuheekɨ́ataxɨ memayeteékaitsiee keʼaane haamatɨ́ana mekuʼuuwaákai.

Yuútsi penutaánieeritɨa mɨyuawitsíe ʼakakaitɨ mayaanikeékaikɨ niuki tuayamete wahepaɨ. Tekaʼixeiyawawe ri metá hiíkɨ mɨkɨ kamɨwe. Keʼaane haamatɨ́ana memuʼuuwákai mepiixei kepauka metɨa mɨyuawitsíe.

Yuútsi panutaánieeritɨa Ketsuútsi metá peyeitɨa ʼiitsɨɨkame (Revelación [Apocalipsis] 11:15)

Ketsuútsi yutuukaari pɨyetua Jehová tareuyehɨwiriwánikɨ haxa temɨtekakɨɨkɨ metá mɨɨkí kumaawiriiyákɨ (Mateo 20:28). ʼAyumieme, Yuútsi yɨɨwe tuukaari kaxɨɨweéme tatsipiitɨ́ani.

Jehová ʼiitsɨɨkame payeitɨa Ketsuútsi mɨyuawitsíe paitɨ tinɨʼátɨ Kwiepatsíe mayaanikɨ. Yuxaɨtá katitaánɨʼaani. Haamatɨana metenɨʼaátɨ mepaakɨɨne 144,000 teuteri memeuʼeenána. Mɨɨkɨ mepanutikɨɨné mɨyuawitsíe mekwime. Mɨɨkɨ ʼiitsɨɨkáte ʼaixɨ metenɨʼaátɨ mepaakɨɨne (Revelación [Apocalipsis] 14:1-3).

Mɨkɨ metenɨʼaakáku haaraweeri Kwie payaaní. Kwatixuaweré ri kuuyaxá, metá teuteri haxa meteʼuʼiyaarítɨ. Waɨkawa ʼikwai tixuawere, metá teuteri naime metehexeiyatɨ mepaakɨɨne. ʼAyumieme, meyuteemamaáwietɨ metiyaaxe (Salmo 145:16).