9 Gani nagsiling si Moises kay Josue:+ “Magpili ka sing mga lalaki kag magpakig-away kamo batok sa mga Amaleknon. Buas magatindog ako sa ibabaw sang bakulod, kag uyatan ko ang sungkod sang matuod nga Dios.”

13 Gani naglakat si Moises kag si Josue nga iya alagad,+ kag nagtaklad si Moises sa bukid sang matuod nga Dios.+

11 Nagpakighambal si Jehova kay Moises nga nagaatubang sa iya,+ pareho sang isa ka tawo nga nagapakighambal sa iya isigkatawo. Kon magbalik sia sa kampo, ang iya alagad nga si Josue+ nga anak ni Nun kag kabulig niya,+ wala nagahalin sa tolda.

18 Gani nagsiling si Jehova kay Moises: “Ipatawag si Josue nga anak ni Nun, isa ka lalaki nga kalipikado manguna,* kag itungtong mo ang imo kamot sa iya.+ 19 Patindugon mo sia sa atubangan ni Eleazar nga saserdote kag sa atubangan sang bug-os nga katilingban, kag sia ang himuon mo nga mangin lider nila samtang nagatan-aw sila.+ 20 Ihatag mo sa iya ang iban mo nga awtoridad,*+ agod magpamati sa iya ang bug-os nga katilingban sang mga Israelinhon.+

3 Si Jehova nga inyo Dios magauna sa inyo sa pagtabok, kag laglagon niya ini nga mga pungsod sa inyo atubangan, kag tabugon ninyo sila.+ Si Josue ang magapanguna sa inyo sa pagtabok,+ suno sa ginsiling ni Jehova.