-
Salmo 53:superskripsion-6Bag-ong Kalibutan nga Badbad sang Balaan nga Kasulatan
-
-
Para sa pangulo sang musika; sa estilo sang Mahalat.* Maskil.* Salmo ni David.
53 Ang buangbuang nagasiling sa iya tagipusuon:
“Wala sing Jehova.”+
Malain kag makangilil-ad ang ila ginahimo;
Wala sing bisan isa nga nagahimo sing maayo.+
2 Apang halin sa langit, ginatan-aw sang Dios ang mga tawo+
Agod hibaluon kon bala may isa nga may paghangop, kon bala may isa nga nagapangita kay Jehova.+
3 Nagsipak sila tanan sa husto nga dalan;
Malain sila tanan.
Wala sing bisan isa nga nagahimo sing maayo,
Wala gid sing bisan isa.+
4 Wala bala sing malauton nga nakahangop?
Ginakaon nila ang akon katawhan nga daw nagakaon lang sila sing tinapay.
Wala sila nagatawag kay Jehova.+
5 Apang magakahadlok gid sila,
Kahadlok nga wala pa gid nila mabatyagan,*
Kay laptahon sang Dios ang mga tul-an sang mga nagasalakay sa imo.*
Pakahuy-an mo sila, kay ginsikway sila ni Jehova.
6 Apang ang kaluwasan sang Israel magaabot halin sa Sion!+
Magakalipay si Jacob, magakasadya ang Israel,
Kon tipunon na ni Jehova ang iya nabihag nga katawhan.
-
-
Roma 3:10-12Bag-ong Kalibutan nga Badbad sang Balaan nga Kasulatan
-
-
10 subong sang nasulat na: “Wala sing tawo nga matarong, wala gid sing bisan isa;+ 11 wala sing bisan isa nga may paghangop; wala sing bisan isa nga nagapangita sa Dios. 12 Ang tanan nga tawo nagsipak sa husto nga dalan, sila tanan nangin wala sing pulos; wala sing bisan isa nga nagapakita sing kaayo, wala gid bisan isa.”+
-