19 “Gani isulat ninyo ini nga ambahanon+ kag itudlo ninyo ini sa mga Israelinhon.+ Ipasaulo ninyo ini sa ila* agod ini nga ambahanon mangin saksi ko batok sa katawhan sang Israel.+

5 kag nagsiling si Josue sa ila: “Mag-una kamo sa Kaban ni Jehova nga inyo Dios sa tunga sang Jordan, kag magkuha ang kada isa sa inyo sing isa ka bato kag pas-anon ini, suno sa kadamuon sang mga tribo sang mga Israelinhon, 6 agod mangin isa ini ka tanda sa tunga ninyo. Kon sa ulihi mamangkot ang inyo mga anak, ‘Ngaa ginbutang ninyo ini nga mga bato diri?’+ 7 sugiran ninyo sila: ‘Ini nga mga bato magapahanumdom sa katawhan sang Israel tubtob san-o,+ bangod ang tubig sang Jordan nag-untat sa pag-ilig sa atubangan sang kaban+ sang katipan ni Jehova sang gindala ini sa tabok sang Jordan.’”