7 “Kon mag-imol ang isa sang inyo mga utod sa isa sang inyo mga siudad sa duta nga ginahatag sa inyo ni Jehova nga inyo Dios, indi ninyo pagpatig-ahon ang inyo tagipusuon kag indi kamo mangin kuom sa inyo imol nga utod.+ 8 Kundi mangin maalwan kamo sa iya+ kag pahulamon ninyo sia sang iya mga kinahanglanon ukon sang kulang sa iya.

34 Kag kon ginapahulam* ninyo ang mga ginalauman ninyo nga makabayad sa inyo, ano ang kaayuhan sini sa inyo?+ Bisan ang mga makasasala nagapahulam sa mga makasasala kag nagalaum nga mabayaran sila sang bug-os nga kantidad. 35 Sa baylo, padayon nga higugmaa ang inyo mga kaaway kag maghimo sing maayo kag magpahulam nga wala nagalaum nga bayaran;+ kag padyaan kamo sing daku, kag mangin anak kamo sang Labing Mataas, kay sia mainayuhon sa mga indi mapinasalamaton kag mga malauton.+

35 Ginpakita ko sa inyo sa tanan nga butang nga paagi sa sini nga pagpangabudlay+ dapat ninyo buligan ang mga maluya kag dapat ninyo dumdumon ang ginsiling ni Ginuong Jesus: ‘Mas malipayon ang nagahatag+ sangsa nagabaton.’”

16 Indi man pagkalimti nga maghimo sing maayo kag magpaambit sa iban sing mga butang nga yara sa imo,+ kay nahamuot gid ang Dios sa sini nga mga halad.+