18 Ginkaugtan ko ang tanan nga ginpangabudlayan ko sa idalom sang adlaw,+ bangod dapat ko ini ibilin sa tawo nga masunod sa akon.+ 19 Kag sin-o ang nakahibalo kon bala mangin maalamon sia ukon buangbuang?+ Wala sapayan sina, sia gihapon ang magadumala sang tanan ko nga ginpangabudlayan sa bug-os ko nga kusog kag kaalam sa idalom sang adlaw. Wala man ini sing pulos.

8 May isa ka tawo nga nagaisahanon, wala sia sing kaupod; wala man sia sing anak ukon utod, apang wala sia nagauntat sa pagpangabudlay. Wala sia sang kaayawan sa manggad.+ Apang wala sia nagapamangkot sa iya kaugalingon, ‘Para kay sin-o ako nagapangabudlay? Ngaa ginadingutan ko ang akon kaugalingon* sing maayo nga mga butang’?+ Wala man ini sing pulos kag makapasubo ini nga buluhaton.+

19 kag isiling ko sa akon kaugalingon:* “Madamo na nga pagkabutang ang natipon mo* para sa palaabuton nga tinuig; magpatawhay ka, magkaon, mag-inom, kag magpangalipay.”’ 20 Apang ang Dios nagsiling sa iya, ‘Ikaw nga indi makatarunganon, karon nga gab-i kuhaon nila ang imo kabuhi.* Gani, sin-o ang magapanag-iya sang mga butang nga gintipon mo?’+