29 “Kon laglagon na ni Jehova nga inyo Dios ang mga pungsod nga sakupon ninyo,+ kag nagaistar na kamo sa ila duta, 30 mag-andam kamo nga indi kamo masiod pagkatapos sila malaglag. Indi kamo magpamangkot tuhoy sa ila mga dios, ‘Paano sadto ginaalagad sini nga mga pungsod ang ila mga dios? Amo man sini ang himuon naton.’+ 31 Indi ninyo paghimuon ini kay Jehova nga inyo Dios, kay ginhimo nila sa ila mga dios ang tanan nga makangilil-ad nga butang nga ginakaugtan ni Jehova, kay bisan ang ila mga anak nga lalaki kag ang ila mga anak nga babayi ginsunog nila para sa ila mga dios.+

17 Ginsunog* nila bilang halad ang ila mga anak nga lalaki kag babayi,+ nagpamakot+ sila pasad sa mga panimad-on, kag ginhimo nila ang malain* sa panulok ni Jehova nga nagpaakig sa iya.

28 Nagaedad si Ahaz+ sing 20 ka tuig sang nangin hari sia, kag naggahom sia sa Jerusalem sing 16 ka tuig. Wala niya ginhimo ang matarong sa panulok ni Jehova, indi pareho sa ginhimo ni David nga iya katigulangan.+

3 Nagpaaso man sia sing mga halad sa Nalupyakan sang mga Anak ni Hinom* kag ginsunog niya ang iya mga anak+ bilang halad, pareho sa makangilil-ad nga mga butang nga ginahimo sang mga pungsod+ nga gintabog ni Jehova sa atubangan sang mga Israelinhon.

33 Nagaedad si Manases+ sing 12 ka tuig sang nangin hari sia, kag naggahom sia sa Jerusalem sing 55 ka tuig.+

6 Ginsunog* niya bilang halad ang iya mga anak+ sa Nalupyakan sang mga Anak ni Hinom;+ nagahimo sia sing madyik,+ nagapamakot sia, ginahimo niya ang ginahimo sang babaylan, kag nagtangdo sia sing mga espiritista kag mga manugpakot sing mga hitabo.+ Malain gid ang iya ginhimo sa panulok ni Jehova, nga nagpaakig sa Iya.

31 Kag ginadagtaan bala ninyo gihapon ang inyo kaugalingon tubtob karon paagi sa pagsunog sang inyo mga anak nga lalaki bilang halad sa inyo makangilil-ad nga mga diosdios?+ Sabton ko bala ang inyo pamangkot, O panimalay sang Israel bisan pa sang inyo ginahimo?”’+

“‘Subong nga buhi ako,’ siling sang Soberanong Ginuong Jehova, ‘indi ko kamo pagsabton.+