14 Nagsiling si Jehova sa akon: “Ang mga manalagna nagapanagna sing kabutigan sa akon ngalan.+ Wala ko sila ginpadala ukon ginsugo, kag wala ako magpakighambal sa ila.+ Ang ila ginapanagna sa inyo indi matuod nga palanan-awon, wala pulos nga pagpamakot, kag pagpangdaya sang ila tagipusuon.+

15 “‘Kay wala ko sila ginpadala,’ siling ni Jehova, ‘kundi nagapanagna sila sing kabutigan sa akon ngalan, agod paalaplaagon ko kamo kag malaglag kamo kag ang mga manalagna nga nagapanagna sa inyo.’”+

8 Kay amo ini ang ginasiling ni Jehova sang mga kasuldadusan, ang Dios sang Israel: “Indi kamo magpadaya sa mga manalagna kag sa mga manugpakot sa tunga ninyo,+ kag indi kamo magpamati sa ginasugid nila nga mga damgo. 9 Kay ‘nagapanagna sila sa inyo sing kabutigan sa akon ngalan. Wala ko sila ginpadala,’+ siling ni Jehova.”’”