Salmo
Para sa pangulo sang musika. Sa tono sang “Indi Paglaglaga.” Salmo ni Asaf.+ Isa ka ambahanon.
75 Nagapasalamat kami sa imo, O Dios ko, nagapasalamat kami sa imo;
Ang imo ngalan yara sa amon,+
Kag ginapahayag sang mga tawo ang imo makatilingala nga mga binuhatan.
2 Nagsiling ka: “Kon magtalana ako sing tion,
Nagahukom ako sing matarong.
3 Sang natunaw ang duta kag ang tanan nga nagaistar sa sini,
Ako ang nagpalig-on sang mga haligi sini.” (Selah)
4 Nagsiling ako sa bugalon, “Indi ka magpabugal,”
Kag sa malauton, “Indi pag-ipabugal ang imo kusog.*
6 Kay ang pagbayaw wala nagahalin
Sa sidlangan ukon sa katundan ukon sa bagatnan.
7 Kay ang Dios Hukom.+
Ginapaubos niya ang isa kag ginabayaw ang isa.+
8 Kay may kopa sa kamot ni Jehova;+
Puno ini sing nagabukal kag maisog nga alak.
Ibubo niya ini sing bug-os,
Kag pati ang lalod sini imnon sang tanan nga malauton sa duta.”+
9 Apang isugid ko ini sa wala sing katubtuban;
Magaamba ako sing mga pagdayaw* sa Dios ni Jacob.