Isa ka Imbitasyon sa Pinasahi nga Pamulongpulong
Makabatyag Ka sing Kalig-unan sa Sining Magamo nga Kalibutan!
Ini nga diskurso sa Biblia ipamulongpulong sa bug-os nga kalibutan sa kapin sa 230 ka pungsod. Sa kalabanan nga duog, hiwaton ini sa Domingo, Abril 15, 2007. Ano ang imo matun-an sa sini? Binagbinaga, halimbawa:
Ngaa nagabatyag ang binilyon ka tawo sa bug-os nga kalibutan nga wala sila sing kalig-unan?
San-o, ilabi na, nga nadula sang mga tawo ang pagbatyag nila sing kalig-unan?
Diin kag paano masapwan ang matuod nga kalig-unan?
Hibalua ang sabat paagi sa pagtambong sa sining importante nga pamulongpulong pasad sa Biblia nga ihatag sa linibo ka duog. Sa kalabanan nga duog, pagahiwaton ini sa lokal nga Kingdom Hall sang mga Saksi ni Jehova. Ang mga Saksi sa inyo duog malipay sa pagsugid sa imo sang oras kag lugar diin ini hiwaton. Mainit ka namon nga ginaagda sa pagtambong sa sining sibu sa tion kag makapalig-on nga pamulongpulong pasad sa Biblia.