Mga Pahibalo

◼ Tanyag nga literatura sa Nobiembre: Ang Ihibalo nga Nagadul-ong sa Kabuhi nga Walay Katapusan sa ₱20.00. Disiembre: New World Translation sa Ingles ukon Ang Banal na Kasulatan upod ang The Bible​—God’s Word or Man’s sa ₱100.00. Enero: Gamay nga Mabuhi sing Dayon nga libro sa ginpanubuan nga amot nga ₱20.00. (Tan-awa ang pahibalo sa Oktubre nga Ang Aton Ministeryo sa Ginharian.) Pebrero: Life​—How Did It Get Here? By Evolution or by Creation?, daku nga edisyon sa ₱60.00, gamay nga edisyon sa ₱30.00. Apang, sa mga teritoryo nga wala nagahambal sing Ingles, ang gamay nga Mabuhi sing Dayon nga libro dapat itanyag sa ginpanubuan nga amot nga ₱20.00. PAHIBALO: Ang mga kongregasyon nga wala pa makapangabay sing nasambit sa ibabaw nga kampanya nga literatura dapat mangabay sini sa ila masunod nga binulan nga Literature Order Form (S-AB-14).

◼ Dapat ihatag sang mga manugbantala nga nagaplano sa pag-auxiliary payunir sa Disiembre ang ila aplikasyon sing maaga agod makahimo ang mga gulang sing kinahanglanon nga mga kahimusan para sa literatura kag teritoryo.

◼ Nagaplano ang Sosiedad sa paghimo sing kahimusan sang interpretasyon para sa mga bungol sa nahaunang “Mga Mensahero sang Diosnon nga Paghidait” nga Distrito nga Kombension sa Quezon City sa Disiembre 20-22, 1996. Busa, ang bisan sin-o nga bungol nga makahangop sing sign language dapat magtambong sa sining kombension, kay wala na sing interpretasyon para sa mga bungol sa iban nga mga lokasyon sang kombension.

◼ Pagbag-o sa Distrito nga Kombension: Talupangda palihug sa listahan sang mga kombension nga ang kombension nga naeskedyul anay sa Marikina, Metro Manila pagahiwaton na sa Pasig City. Wala sing pagbag-o sa mga petsa.

◼ Ang order blank para sa pagpedido sing 1997 Yearbook ginpadala sa kada kongregasyon upod sang Hunyo nga statement of accounts. Kon wala pa kamo makapedido, pat-ura palihug nga makapedido na kamo kag ipadala ini sa Sosiedad nga indi maglampas sa Nobiembre 15, 1996 subong sang ginpangabay.

◼ Pahibalo sa mga Sekretaryo sang Kongregasyon: Kon may mga manugbantala nga nagbiya sang inyo kongregasyon agod magpuyo sa pungsod sa luwas, panikasugi gid palihug nga ipadala ang ila Publisher Record card sa nagakaigo nga kongregasyon sing maaga kon mahimo. Nakabaton kami sing mga report nga ang mga nagbiya agod magpuyo sa pungsod sa luwas masunson nga nahatagan lamang sing espirituwal nga igtalupangod pagligad sang pila ka bulan nga didto na sila. Agod malikawan ini, tinguhai nga makuha ang ila husto nga direksion antes sila maghalin, ukon sa gilayon sa pag-abot nila didto kon mahimo. Sa sining paagi, kon indi ninyo makuha ang direksion sang sekretaryo sang kongregasyon didto, mapadala ninyo ang record card sa sanga talatapan sang Sosiedad sa sina nga pungsod lakip ang isa ka sulat nga nagapaathag sang kahimtangan kag nagahatag sang husto nga direksion. Nian mapadala nila ang impormasyon sa pinakamalapit nga kongregasyon agod mabuligan sila sa espirituwal.