Mga Pahibalo

◼ Tanyag nga literatura sa Enero: Nahiusa sa Pagsimba sa Lamang Matuod nga Dios ukon bisan anong iban pa daan nga 192-pahina nga mga libro. Kon wala sing matigayon, ang Ihibalo nga libro mahimo itanyag. Pebrero: Ang Kalipay sa Pamilya nga libro. Marso: Ang Ihibalo nga Nagadul-ong sa Kabuhi nga Walay Katapusan. Abril kag Mayo: Indibiduwal nga mga kopya sang Ang Lalantawan kag Magmata! Magdala sing Ginapatuman nga brosyur para sa mga interesado, kag panikasugi nga makasugod sing mga pagtuon sa Biblia sa puluy-an. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga mga publikasyon dapat magpangabay sa ila masunod nga binulan nga Literature Order Form (S-AB-14).

◼ Ang mga kongregasyon dapat maghimo sing mga kahimusan sa pagsaulog sang Memoryal sini nga tuig sa Mierkoles, Abril 19, 2000, pagtunod sang adlaw. Bisan pa ang pamulongpulong mahimo magsugod sing mas maaga, ang pagpasa sa mga emblema sa Memoryal indi dapat magsugod tubtob magtunod ang adlaw. Samtang maayo nga ang tagsa ka kongregasyon maghiwat sang kaugalingon nga selebrasyon sang Memoryal, mahimo nga indi ini pirme posible. Kon pila ka kongregasyon ang kinaandan nga nagagamit sing isa ka Kingdom Hall, ayhan ang isa ukon kapin pa ka kongregasyon mahimo maggamit sang lain nga pasilidad para sa gab-i.

◼ Ang pinasahi nga pamulongpulong publiko para sa 2000 nga panahon sang Memoryal ihatag sa Domingo, Abril 16. Natig-uluhan ini sing “Kon Ngaa Kinahanglan Sang Katawhan ang Gawad.” Ihatag ang balayan sa mga humalambal sa nagakaigo nga tion. Ang mga kongregasyon nga may pagduaw sang manugtatap sang sirkito, sirkito nga asambleya, ukon pinasahi nga adlaw nga asambleya sa sina nga talipuspusan sang semana magahiwat sang pinasahi nga pamulongpulong sa masunod nga semana. Wala sing kongregasyon ang magahatag sing pinasahi nga pamulongpulong antes sang Abril 16, 2000.

◼ Sanglit ang Abril kag Mayo pinasahi nga mga bulan sang magasin kag madamo ang magaauxiliary payunir sa sina nga tion, ang manugtatap sa pag-alagad kag ang utod nga nagauyat sing mga magasin dapat karon magbinagbinag sa pag-order sing dugang pa nga mga magasin para magamit sang kongregasyon. Palihug ipadala ang inyo mga order agod magaabot ini sa sanga talatapan nga indi maglampas sa Pebrero 1, 2000. Ginapat-od sini nga mabaton ninyo ang dugang pa nga mga magasin dungan sa inyo regular nga order.

◼ Bag-ong mga Publikasyon nga Matigayon:

Mag-amba Sing mga Pagdayaw kay Jehova—Bicol, Hiligaynon, Pangasinan

Tract-24, Si Jesucristo—Sin-o Sia?—Bicol, Cebuano, Hiligaynon, Iloko, Pangasinan, Samar-Leyte, Tagalog

The Guidance of God—Our Way to Paradise—Ingles (brosyur nga gindesinyo ilabi na para sa mga Muslim, subong sang ginpaathag sa pahina 8 sang Nobiembre 1999 nga Ang Aton Ministeryo sa Ginharian)