Mga Pahibalo

◼ Tanyag nga literatura sa Marso: Ang Ihibalo nga libro gamiton sa panikasog nga makasugod sing mga pagtuon sa Biblia sa puluy-an. Abril kag Mayo: Indibiduwal nga mga kopya sang Ang Lalantawan kag Magmata! Kon may nakita nga interesado sa mga pagduaw liwat, ang mga suskripsion mahimo itanyag. Magdala sing Ihibalo nga libro ukon Ginapatuman nga brosyur para sa mga interesado, kag panikasugi nga makasugod sing mga pagtuon sa Biblia sa puluy-an. Hunyo: Ang Ihibalo nga libro ukon Ginapatuman nga brosyur upod ang panikasog nga makasugod sing mga pagtuon sa Biblia sa puluy-an.

◼ Sugod sa Abril, ang mga manugtatap sa sirkito magahatag sing pamulongpulong nga natig-uluhan “Pagginahom Sang Tawo​—⁠Gintimbang sa Timbangan” kon nagaduaw sa mga kongregasyon.

◼ Ang mga manugbantala nga maluyag mag-auxiliary payunir sa Abril kag Mayo dapat na karon maghimo sang ila mga plano kag magsumiter sang ila mga aplikasyon sing temprano. Magabulig ini sa mga gulang nga makahimo sing kinahanglanon nga mga kahimusan sa pag-alagad sa latagon kag makatigayon sing nagakaigo nga mga magasin kag iban pa nga literatura agod magamit nila. Ang mga ngalan sadtong tanan nga aprobahan subong mga auxiliary payunir dapat ipahibalo sa kongregasyon.

◼ Ang Memoryal hiwaton sa Domingo, Abril 8, 2001. Wala sing mga miting magluwas sa pag-alagad sa latagon ang himuon sa sina nga adlaw. Ang mga gulang makahimo sing nagakaigo nga mga kahimusan agod hiwaton ang Pagtinuon sa Lalantawan sa iban nga tion.

◼ Pagbasa Sang Biblia sa Memoryal: Ang tanan ginapalig-on nga basahon ang ginpanugda nga bahin sang Biblia suno sa gin-iskedyul sa 2001 Calendar kag sa Pag-usisa sa Kasulatan sa Adlaw-adlaw, nga nagasugod sa Abril 3 kag nagatapos sa adlaw sang Memoryal, Abril 8.

◼ Dapat ipadala sang tanan nga nagapakig-upod sa isa ka kongregasyon ang tanan nga bag-o kag ginbag-o nga mga suskripsion para sa Ang Lalantawan kag Magmata!, lakip ang ila personal nga mga suskripsion, paagi sa kongregasyon.

◼ Ang Sosiedad wala nagahatag sang pangabay sang indibiduwal nga mga manugbantala para sa literatura. Ang nagadumala nga manugtatap dapat maghimo sing kahimusan para sa isa ka anunsio nga himuon kada bulan antes ipadala sa Sosiedad ang binulan nga pangabay sang kongregasyon para sa literatura agod mapahibalo sang tanan nga interesado sa pagkuha sing personal nga mga literatura ang utod nga nagauyat sang literatura. Palihug dumduma kon ano nga mga publikasyon ang mga special-request item.