Mga Pahibalo

◼ Tanyag nga literatura sa Pebrero: Ang daan nga 192-pahina nga libro mahimo itanyag. Kon wala sing daan nga mga libro nga matigayon, mahimo itanyag ang Mankind’s Search for God ukon ang Creation nga libro bilang tal-us. Marso: Ang Ihibalo nga libro itanyag sa panikasog nga makasugod sing mga pagtuon sa Biblia sa puluy-an. Abril kag Mayo: Indibiduwal nga mga kopya sang Ang Lalantawan kag Magmata! Sa mga pagduaw liwat, mahimo ipanugda sang mga manugbantala ang pagdul-ong sa mga magasin sing regular ukon itanyag ang suskripsion kon nagapuyo sila malayo sa kongregasyon.

◼ Dapat repasuhon sang sekretaryo kag sang manugtatap sa pag-alagad ang hilikuton sang tanan nga regular payunir sa katapusan sang Pebrero. Sa sina nga tion dapat nakareport na sila sing mga 420 ka oras. Kon may nabudlayan sa paglab-ot sa tulumuron nga oras, ang mga gulang dapat maghimo sing kahimusan sa pagbulig agod malab-ot nila ang ila tulumuron sa nabilin nga anom ka bulan sang tuig. Para sa mga panugda, repasuha ang tuigan nga S-201 nga sulat nga may petsa nga Nobiembre 1, 2001. Tan-awa man ang parapo 12-20 sang Septiembre 1986 nga Ang Aton Ministeryo sa Ginharian.

◼ Dapat i-awdit sang nagadumala nga manugtatap ukon sang isa nga gintangdo niya ang kuwenta sang kongregasyon sa Marso 1 ukon sa gilayon pagligad sini. Kon matapos ini, pahibalua ang kongregasyon sa tapos mabasa ang masunod nga report sa kuwenta.

◼ Sa Domingo, Pebrero 17, 2002, may miting ang tanan nga nagaplano nga mag-auxiliary payunir sa bulan sang Marso, Abril, kag Mayo. Ang tanan ginapalig-on nga magtambong. Ang miting dumalahan sang manugtatap sa pag-alagad kag dapat pat-uron nga may bastante nga Applications for Auxiliary Pioneer Service agod mapanagtag sa tanan nga magatambong sa sining miting.

◼ Ang mga miting nga kinaandan nga naiskedyul sa Huebes, Marso 28, 2002 dapat hiwaton sa lain nga adlaw sa semana sang Memoryal.

◼ Bag-ong mga Publikasyon nga Matigayon:

Ang Tagna ni Isaias​—⁠Kapawa Para sa Tanan nga Tawo II​—⁠Cebuano, Hiligaynon, Iloko, Ingles, Tagalog

Isa ka Makaalayaw nga Kabuhi​—⁠Kon Paano Ini Maagom​—⁠Cebuano, Hiligaynon, Iloko, Ingles, Tagalog

Tract T-25, Ikaw Bala May Di-mamalatyon nga Espiritu?​—⁠Bicol, Cebuano, Hiligaynon, Iloko, Ingles, Samar-Leyte, Tagalog