Repaso sa Teokratikong Eskwelahan para Sa Ministeryo
Ang masunod nga mga pamangkot binagbinagon sa Teokratikong Eskwelahan sa Ministeryo sa semana sugod sa Agosto 29, 2005. Dumalahan sang manugtatap sang eskwelahan ang 30-minutos nga repaso pasad sa materyal nga gintuptupan sa mga asaynment para sa semana sang Hulyo 4 tubtob Agosto 29, 2005. [Patalupangod: Kon wala sing mga reperensia pagkatapos sang pamangkot, kinahanglan nga magpanalawsaw ka agod mahibaluan mo ang mga sabat.—Tan-awa ang Eskwelahan Para sa Ministeryo, p.36-7.]
MGA KALIDAD SA PAGHAMBAL
1. Kon nagapaambit sang aton paglaum sa iban, paano naton ‘mapakilala sa tanan nga tawo ang aton pagkamakatarunganon,’ kag ngaa importante ini? (Fil. 4:5; Sant. 3:17) [be p. 251 par. 1-3, kahon]
2. Paano ang paghibalo kon san-o mangin makatarunganon makabulig sa aton nga mangin madinalag-on sa pagpakig-angot sa iban? [be p. 253 par. 1-2]
3. Ngaa importante ang malantipon nga paggamit sang mga pamangkot kon nagabulig kita sa iban nga mangatarungan sa isa ka butang? [be p. 253 par. 3-4]
4. Ano nga mga butang ang dapat binagbinagon agod mangin makabuluyok ang isa ka presentasyon? [be p. 255 par. 1-4, kahon; p. 256 par. 1, kahon]
5. Ano ang dapat naton dumdumon kon mamat-od kita nga maggamit sing pamatuod nga wala sa Biblia agod sakdagon ang pagkamakatarunganon sang Kasulatan? [be p. 256 par. 3-5, kahon]
ASAYNMENT NUM. 1
6. Ano ang maathag nga nagapamatuod sang pagkamaragtason ni Jesus? [w03 6/15 p. 4-7]
7. Paano ang ‘baba sang mga matadlong magaluwas sa ila,’ kag paano ang balay mismo sang mga matarong “magapabilin nga nagatindog”? (Hulu. 12:6, 7) [w03 1/15 p. 30 par. 1-3]
8. Bangod ang Biblia wala ginsulat subong sang detalyado katama nga listahan sang mga kasuguan, paano naton ‘mahantop kon ano ang kabubut-on ni Jehova’? (Efe. 5:17) [w03 12/1 p. 21 par. 3–p. 22 par. 2]
9. Ano nga mga prinsipio sa Biblia nga kon iaplikar makabulig sa isa nga malandas ang kaimulon ukon kapigaduhon? [w03 8/1 p. 5 par. 2-5]
10. Ano dapat ang epekto sa aton sang halimbawa ni Jehova tuhoy sa kaalwan? (Mat. 10:8) [w03 8/1 p. 20-2]
SEMANAL NGA PAGBASA SA BIBLIA
11. Ano ang ginalaragway sang duha ka haligi nga ginhingadlan Jaquin kag Boaz sa alagyan sang templo nga gintukod ni Solomon? (1 Hari 7:15-22)
12. Nahisanto bala sa Mosaikong Kasuguan ang dulot ni Solomon nga 20 ka siudad sa duta sang Galilea kay Hari Hiram sang Tiro? (1 Hari 9:10-13)
13. Ano nga leksion ang matun-an naton sa indi pagtuman sang “tawo sang Dios”? (1 Hari 13:1-25)
14. Sa anong paagi ginpakita ni Hari Asa sang Juda ang iya kaisog, kag ano ang aton matun-an sa iya halimbawa? (1 Hari 15:11-13)
15. Paano ang hitabo nga nagadalahig kanday Hari Ahab kag Nabot nagailustrar sang katalagman sang pagkaluoy sa kaugalingon? (1 Hari 21:1-16)