Mga Pahibalo

◼ Tanyag nga literatura sa Marso: Ano Gid ang Ginatudlo Sang Biblia? Panikasugi nga makasugod sing mga pagtuon sa Biblia. Abril kag Mayo: Ang pangpubliko nga edisyon sang Ang Lalantawan upod ang Magmata! Kon nagaduaw liwat sa interesado nga mga tawo tinguhai nga makasugod sing pagtuon sa Biblia nga ginagamit ang Ginatudlo Sang Biblia nga libro. Hunyo: Ginatudlo Sang Biblia nga libro. Tinguhai nga makasugod sing mga pagtuon sa Biblia.

◼ Dapat i-awdit sang isa nga gintangdo sang nagadumala nga manugtatap ang kuenta sang kongregasyon para sa bulan sang Disiembre, Enero, kag Pebrero. Lain naman nga utod ang dapat mag-awdit sa masunod nga mga binulan. Kon matapos na ini, dapat ini ipahibalo sa kongregasyon pagkatapos mabasa ang masunod nga report sa kuenta.—Tan-awa ang Instructions for Congregation Accounting (S-27).

◼ Ginapahanumdom ang tanan nga basahon ang ginpanugyan nga bahin sang Biblia nga nakaiskedyul sa 2008 Calendar kag sa Pag-usisa sa Kasulatan sa Adlaw-adlaw 2008 nga magaumpisa sa Marso 17 kag magapadayon tubtob sa Domingo, Marso 23, 2008.

◼ Ginapalig-on ang tanan nga luyag mag-auxiliary payunir sa bulan sang Abril nga planuhon na ini subong pa lang kag ihatag sing temprano ang ila aplikasyon. Makabulig ini agod makahimo sing kahimusan ang mga gulang sa pagbantala sa latagon kag makaorder sing bastante nga magasin. Dapat ipahibalo sa kongregasyon ang mga gin-aprobahan nga mag-auxiliary payunir agod mapalig-on man ang iban nga magpayunir sa sining pinasahi nga bulan sang hilikuton.

◼ Ang tema sang distrito nga kombension sa 2008, “Ginatuytuyan sang Espiritu sang Dios.”

◼ Dapat ipagua gilayon sang mga kongregasyon ang bag-o nabaton nga mga isyu sang Ang Lalantawan kag Magmata! Makabulig ini sa mga manugbantala nga mangin pamilyar sa kaundan sang magasin antes nila ini itanyag sa mga tawo.

◼ Bag-o nga DVD nga matigayon:

To the Ends of the Earth kag United by Divine Teaching—On DVD. (Duha ka video sa isa ka DVD.)