Mga pahibalo

◼ Tanyag nga literatura sa Pebrero: Mahimo itanyag sang mga manugbantala Ang Sekreto sang Kalipay sa Pamilya ukon The Bible—God’s Word or Man’s? Marso: Ano Gid ang Ginatudlo Sang Biblia? Abril kag Mayo: Ang Lalantawan kag Magmata!

◼ Wala sing hiwaton nga mga miting sa Domingo, Abril 17, 2011, ang adlaw sang Memoryal, luwas lang sa miting para sa pag-alagad sa latagon. Kon pila ka kongregasyon ang nagagamit sa isa ka Kingdom Hall kag indi maiskedyul sa iban nga adlaw ang miting, mahimo ini kanselahon. Kon amo sini ang kahimtangan, ginapalig-on ang mga pamilya nga binagbinagon ang Pagtinuon sa Ang Lalantawan sa ila Pangpamilya nga Pagsimba.

◼ Sa Domingo, Pebrero 20, 2011, pagkatapos sang Pagtinuon sa Ang Lalantawan, may malip-ot nga miting para sa tanan nga nagaplano sa pag-auxiliary payunir sa Marso, Abril, kag Mayo. Pagadumalahan ini sang manugtatap sang pag-alagad, kag dapat niya pat-uron nga may bastante nga aplikasyon para sa mga matambong.

◼ Dapat repasuhon sang sekretaryo kag manugtatap sang pag-alagad ang nahimuan sang mga regular payunir sa katapusan sang Pebrero, nga nagaaman sing bulig sa bisan sin-o nga nabudlayan sa paglab-ot sang ila kinahanglanon nga oras.