Talalupangdon nga mga Report

May kabilugan nga 189,227 ka manugbantala ang nagreport sang Septiembre, ang una nga bulan sang bag-o nga tuig sang pag-alagad. Makalilipay man nga nalab-ot naton ang bag-o nga peak nga 34,194 ka regular payunir. Bangod ini sa madamo nga bag-uhan nga nagpalista sang Septiembre 1, 2013. May maayo gihapon kita nga report bisan pa sang pila ka bagyo nga nag-agi sina nga bulan. Makapalig-on gid makita nga madamo ang luyag magpasangkad sang ila ministeryo!—Sal. 110:3.