Ang Bag-o nga Ambahanon

1. Mag-amba sa Dios Sing bag-o nga ambahanon.

Ang tanan sugiran Sang Iya himuon.

Sia ang aton Dios, Sia ang Dios sang kadalag-an.

’Gahukom sa tawo Nga may katarungan.

2. Maghilinugyaw, Hari naton si Jehova.

Amba sing pagdayaw Nga may pagkasadya.

Magbuylog kita Sa pag-amba kay Jehova,

Palanugon naton Arpa kag trumpeta.

3. Mga tinuga Nga yara sa kadagatan.

Kag tanan sa duta Magaambahan man.

Magpamalakpak, Magkalipay mga suba;

Mga kabukiran Magdayaw, mag-amba.