AMBAHANON 91
Pagpangabudlay Tungod sa Gugma
Naimprinta nga Edisyon
1. Dios namon nga balaan,
Amon ka pasalamatan.
Ginsakdag mo kami kag imo
Nga ginpadunggan.
Amon pagpangabudlay
Imo ginpakamaayo.
Ining tilipunan nahuman
Sa pagbulig mo.
(KORO)
Ginahalad namon Jehova,
Ining duog nga matahom.
Kabay nga sa sining tinukod padayon ka
Nga alagdon sing matutom.
2. Kami karon nalipay,
Masadya ang pag-abyanay!
Amon gid dumdumon ang amon
Pagbinuligay!
Sa bulig mo, Jehova,
Tanan kami naghiusa.
Gani imo ngalan sa karon
Ginahimaya!
(KORO)
Ginahalad namon Jehova,
Ining duog nga matahom.
Kabay nga sa sining tinukod padayon ka
Nga alagdon sing matutom.
(Tan-awa man ang Sal. 116:1; 147:1; Roma 15:6.)