Tuigan nga Miting

OKTUBRE 2, 1993

ANG TUIGAN NGA MITING sang mga katapo sang ­Watch Tow­er Bi­ble and ­Tract So­cie­ty of Pennsyl­vania pagahiwaton sa Oktubre 2, 1993, sa As­sem­bly Hall of Je­ho­vah’s Wit­ness­es, 2932 Ken­nedy Bou­le­vard, Jersey City, New Jersey. Ang una nga miting sang mga katapo pagahiwaton sa alas 9:30 s.a., sundan sang kabilugan nga tuigan nga miting sa alas 10:00 s.a.

Dapat pahibaluon karon sang mga katapo sang Korporasyon ang Opisina sang Sekretaryo tuhoy sa pagbag-o sa ila direksion sang nagligad nga tuig agod nga ang regular nga mga sulat sang pahibalo kag mga ­proxy (dokumento sa pagboto kon indi makatambong sing personal) makalab-ot sa ila sa madali sa tapos sang Agosto 1.

Ang mga proxy, nga ipadala sa mga katapo upod sa pahibalo tuhoy sa tuigan nga miting, dapat ibalik agod nga makalab-ot sa Opisina sang Sekretaryo sang Sosiedad nga indi maglabang sa Agosto 15. Dapat kompletuhon sang tagsa ka katapo kag ibalik ang iya ­proxy sa gilayon, nga ginapakita kon bala personal nga matambong sia sa miting ukon indi. Ang impormasyon nga ihatag tuhoy sa tagsa ka ­proxy dapat sibu sa sini nga punto, kay amo ini ang basihan sa paghibalo kon sin-o ang personal nga magatambong.

Ginapaabot nga ang bug-os nga sesyon, lakip ang pormal nga miting kag mga report tuhoy sa korporasyon, matapos sa ala 1:00 s.h. ukon indi madugay sa tapos sini. Wala sing sesyon sa hapon. Bangod sang limitado nga lugar, ang may tiket lamang ang pasudlon. Wala sing mga kahimusan nga himuon sa pag-angot sang tuigan nga miting paagi sa linya sang telepono padulong sa iban nga mga awditoryom.