Kon Paano ang Iban Nagaamot sa Pagbantala sang Ginharian nga Hilikuton

◻ MGA AMOT SA BUG-OS KALIBUTAN NGA HILIKUTON: Madamo ang nagapain ukon nagabadyet sang kantidad nga ginahulog nila sa mga kahon-alamutan nga may ngalan: “Mga Amot Para sa Bug-os Kalibutan nga Hilikuton sang Sosiedad​—⁠Mateo 24:⁠14.” Kada bulan ginapadala sang mga kongregasyon ini nga kantidad sa bug-os kalibutan nga ulong-talatapan sa Brooklyn, New York, ukon sa pinakamalapit nga sanga talatapan.

◻ MGA REGALO: Ang boluntaryo nga mga amot nga kuwarta mahimo ipadala sing direkta sa Watch Tower Bible and Tract Society of the Philippines, Inc., P.O. Box 2044, 1099 Manila, ukon sa talatapan sang Sosiedad nga nagapangalagad sa inyo pungsod. Ang mga alahas ukon iban pa nga mga bahandi mahimo maamot. Ang isa ka malip-ot nga sulat nga nagasiling nga ini isa ka kinabubut-on nga regalo dapat ilakip sa sining mga amot.

◻ KAHIMUSAN SA PAGDONAR NGA MAY KONDISYON: Mahimo ihatag ang kuwarta sa Watch Tower Society subong patago tubtob mapatay ang nagdonar, upod ang kondisyon nga sa tion sang personal nga pagkinahanglan, ibalik ini sa nagdonar.

◻ PASIGURO: Ang Watch Tower Society mahimo hingadlan subong benepisyaryo sang isa ka pasiguro sa kabuhi nga polisa ukon sang isa ka plano sang pagretiro ukon pension. Dapat pahibaluon ang Sosiedad tuhoy sini nga kahimusan.

◻ MGA KUWENTA SA BANGKO: Ang mga kuwenta sa bangko, mga sertipikor sang deposito, ukon indibiduwal nga kuwenta sa pagretiro mahimo ipatago subong butang nga ginpiyar ukon ibayad sa tion sang kamatayon sa Watch Tower Society, nahisuno sa mga kinahanglanon sang lokal nga bangko. Dapat pahibaluon ang Sosiedad sa sini nga mga kahimusan.

◻ STOCKS KAG BONDS: Mahimo idonar ang stocks kag bonds sa Watch Tower Society ayhan subong isa ka donasyon ukon sa idalom sang kahimusan diin ang kinitaan padayon nga ihatag sa nagdonar.

◻ REAL ESTATE: Ang mahimo mabaligya nga real estate mahimo idonar sa Watch Tower Society paagi sa paghimo sing direkta nga regalo ukon paagi sa pagtigana sing bug-os kabuhi nga propiedad sa nagdonar, nga padayon nga makaistar sa sini tubtob nga sia buhi. Dapat pakig-angutan sang isa ang Sosiedad antes himuan sing kasulatan ang bisan ano nga real estate sa Sosiedad.

◻ TESTAMENTO KAG MGA BUTANG NGA GINAPIYAR: Ang propiedad kag kuwarta mahimo ipapanubli sa Watch Tower Bible and Tract Society of the Philippines paagi sa ginhimo sing legal nga testamento, ukon ang Sosiedad mahimo hingadlan subong benepisyaryo sang isa ka kasugtanan sa mga butang nga ginapiyar. Ang isa ka butang nga ginapiyar nga nagabulig sa isa ka relihioso nga organisasyon mahimo hatagan sing mga bentaha sa buhis. Ang isa ka kopya sang testamento ukon sang kasugtanan sa butang nga ginapiyar dapat ipadala sa Sosiedad.

◻ GINPLANO NGA PAGHATAG: Ang Sosiedad nagtipon sing mga impormasyon tuhoy sa “Ginplano nga Paghatag.” Ini nga impormasyon mahimo masapwan nga mabuligon sadtong mga nagaplano nga maghatag sing pinasahi nga regalo sa Sosiedad karon ukon luyag magbilin sing palanublion sa tion sang kamatayon. Matuod gid ina kon luyag nila matigayon ang pila ka tulumuron subong pamilya ukon pagplano sang mga pagkabutang samtang ginagamit ang probisyon sang kasuguan agod mabuhinan ang kantidad sang buhis nga dapat bayaran may kahilabtanan sa ginahatag ukon ginapapanubli. Matigayon ini nga impormasyon paagi sa pagsulat sa Sosiedad sa direksion nga ginapakita sa ubos.

Para sa dugang nga kasayuran nahanungod sini, magsulat sa Watch Tower Bible and Tract Society of the Philippines, Inc., P.O. Box 2044, 1099 Manila, ukon sa lokal nga sanga talatapan sang Sosiedad.