Ano ang ginabatyag sang Dios sa imo pag-antos?

Ang pila nagapati nga wala sing labot ukon wala nagaulikid ang Dios sa pag-antos.

BINAGBINAGA KON ANO ANG GINASILING SANG BIBLIA

• Makita ini sang Dios kag nagaulikid sia

  “Nakita ni Jehova nga tuman gid ang kalautan sang tawo sa duta . . . , kag nasubuan gid ang iya tagipusuon.”—Genesis 6:5, 6.

• Dulaon sang Dios ang tanan nga pag-antos

  “Sa indi na lang madugay, madula na ang mga malauton; pangitaon mo sila sa ila nahamtangan, kag wala na sila didto. Apang ang mga mahagop magapanubli sang duta, kag mangin malipayon gid sila sa bugana nga paghidait.”—Salmo 37:10, 11.

• Ang gusto sang Dios para sa imo

  “‘Nahibaluan ko kon ano ang himuon ko sa inyo,’ siling ni Jehova, ‘hatagan ko kamo sing paghidait kag indi sing kalaglagan, agod may maayo kamo nga palaabuton kag paglaum. Magapanawag kamo sa akon kag magadangop kamo kag magapangamuyo sa akon, kag magapamati ako sa inyo.’”—Jeremias 29:11, 12.

  “Magpalapit kamo sa Dios, kag magapalapit sia sa inyo.”—Santiago 4:8.