Kinahanglan Bala nga Pirme Ako Magbag-o?

Ang tagsa ka guwa sang Ang Aton Ministeryo sa Ginharian nagahatag sing nanuhaytuhay nga mga presentasyon nga sarang naton magamit kon nagapanaksi. Madamong mga manugbantala ang nalangkag sa pagkuha sing bag-ong mga ideya kag sa paggamit sing lainlain nga mga pagpalapit. Ang Aton Ministeryo sa Ginharian nagabulig sa ila paagi sa paghatag sing pila ka panugda kada bulan.

Apang, mahimo nga indi kinahanglan nga pirme mo bag-uhon ang imo ginagamit. Sa sulod sang isa ka panag-on sang tion, ayhan napalambo na nimo ang isa ka presentasyon nga naluyagan mo gamiton, kag nakatigayon ikaw sing maayong mga resulta paagi sa sini. Ayhan isa ukon duha ka teksto lamang, subong sang 2 Pedro 3:13 ukon Bugna 21:4 ang imo ginagamit. Kon amo, indi kinahanglan para sa imo ang masunson nga pagbag-o. Ang aton pangunang tulumuron amo ang ipaambit ang paglaum sang Ginharian sa iban. Kon may yara ikaw bag-o kag makagalanyat nga presentasyon nga ginapakamaayo nimo nga gamiton kag nakatigayon ikaw sing maayo nga resulta sa sini, indi magpangalag-ag sa paggamit sini.