Kon Ngaa Ginahigugma Naton ang Aton Bug-os nga Katilingban sang mga Kauturan
Sa wala sing gugma nga kalibutan karon, paano naton mapadayon nga mapakita ang aton mainit nga gugma para sa aton mga kauturan sa espirituwal? (1 Ped. 2:17) Paano naton mapakita sa iban nga nagaluntad gid ang aton matuod kag bug-os globo nga paghiliutod? (Mat. 23:8) Paagi sa paggamit sining video nga Our Whole Association of Brothers. Ginapakita sini ang mga rason kon ngaa ginahigugma naton ang tagsatagsa. Tilawi kon masabat mo ining mga pamangkot:
(1) Ano ang tatlo ka hilikuton nga ginahimo naton sing pareho sa aton bug-os kalibutan nga paghiliutod? (2) Paano ginpakita sang aton mga kauturan ang ila determinasyon sa pagbantala (a) sa kahanayakan sang Alaska, (b) sa malapad nga pantalan sang Europa, kag (c) sa kagulangan sang Peru? (3) Ano ang labing epektibo nga kasangkapan sa pagpanaksi? (4) Ngaa indi naton dapat tamdon ang pagpanaksi nga isa lamang ka ordinaryo nga hilikuton? (5) Maghatag sing mga halimbawa kon paano ang mga Saksi ni Jehova naghatag sing lugpay kag nagbulig sa isa kag isa sa tion sang kalisdanan—mga linog, bagyo, kag gira sibil. (Tan-awa ang komento ni Takao sa pahina 23 sang Agosto 22, 1995, nga Awake! kag ni Kotoyo sa pahina 20 sang Nobiembre 8, 1996, nga Magmata!) (6) Sa anong praktikal nga mga paagi nga mapakita naton ang daku nga tanda sang pagkakilala sa aton Cristianong paghiliutod? (Juan 13:35) (7) Tubtob diin naton dapat pabaloran ang aton mga miting sa kongregasyon? (8) Ano ang nangin reaksion sang mga bag-o pa lang nakatigayon sing Kingdom Hall? (9) Paano nahuptan sang mga kauturan sa Sidlangan nga Europa kag Rusya ang ila espirituwalidad samtang yara sa idalom sang pagdumili? (10) Bisan sa karon, anong tumalagsahon nga panikasog ang ginahimo sang madamo nga Saksi agod makatambong sa mga kombension, kag ngaa? Paano ini nagpalig-on sa imo? (11) Ngaa determinado ka sa pagsimba nga ululupod sing nahiusa, sa pagbulig sa iban sa tion sang pagkinahanglan, kag sa pagbantala sing matutom sa ano man nga ti-on kag kon paano nga sarang mo mahimo ini? (12) Ngaa maayo nga may yara kita sing personal nga kopya sining video kag ipatan-aw ini sa madamo nga interesado nga tawo kon posible?