Ang mga Distrito kag Internasyonal nga Kombension Nagapahulag sa Aton nga Himayaon ang Dios!
Ang “Himayaa ang Dios” nga mga Distrito kag Internasyonal nga Kombension nakapanaksi gid sing daku. Ining importante nga teokratikong mga hitabo nagpadaku sang ngalan ni Jehova kag nagpauswag sang aton ikasarang nga “ipahanungod sa GINUO ang himaya nga naigo sa iya ngalan.” (Sal. 98:6) Sa pagkamatuod, takus sia himayaon bangod sang iya makatilingala nga mga binuhatan, nga nagapabanaag sang iya dalayawon nga mga kinaiya.—Job 37:14; Bug. 4:11.
Nagagamit sang masunod nga mga pamangkot upod sa inyo personal nga mga nota, maghanda kag makigbahin sa pagrepaso sang programa sa kombension nga hiwaton sa semana sang Pebrero 23.
1. Paano ang walay kabuhi nga mga tinuga nagapahayag sang himaya sang Dios, kag ano ang kinatuhayan sini sa pagdayaw sa iya sang mga tawo? (Sal. 19:1-3; “Ang mga Tinuga Nagapahayag Sang Himaya Sang Dios”)
2. Ano nga katunayan karon ang ginalandong sang pagbaylo-dagway, kag sa ano nga paagi napahulag sining katunayan ang mga Cristiano karon? (Keynote address, “Ang Mahimayaon nga Matagnaon nga mga Palanan-awon Nagapapagsik sa Aton!”)
3. Paano naton mapalambo ang sahi sang pagkamapainubuson nga ginpakita ni manalagna Daniel, kag paano kita makabenepisyo sa paghimo sini? (Dan. 9:2, 5; 10:11, 12; “Ang Himaya ni Jehova Ginapahayag sa mga Mapainubuson”)
4. (a) Anong tatlo ka butang tuhoy sa paghukom sang Dios ang matun-an naton gikan sa tagna ni Amos? (Amos 1:3, 11, 13; 9:2-4, 8, 14) (b) Anong praktikal nga leksion ang matun-an sang mga Saksi ni Jehova karon gikan sa nagapaandam nga halimbawa nga masapwan sa Amos 2:12? (“Ang Tagna ni Amos—Ang Mensahe Sini sa Aton Adlaw”)
5. (a) Ano ang mga katalagman sang indi haganhagan nga paggamit sang alkohol, bisan pa nga indi mahubog ang isa? (b) Paano matadlong ini nga problema? (Mar. 9:43; Efe. 5:18; “Likawi ang Siod Sang Pag-abuso sa Alkohol”)
6. Paano ka nakabenepisyo gikan sa bag-ong publikasyon nga “See the Good Land”? (“‘Ang Maayo nga Duta’—Laragway Sang Paraiso”)
7. Anong tatlo ka paagi nga sarang naton ‘mapabanaag kaangay sang salaming ang himaya ni Jehova’? (2 Cor. 3:18; “Ipabanaag Kaangay Sang Salaming ang Himaya ni Jehova”)
8. Ano ang ginhalinan sang walay kabangdanan nga dumot, kag ano ang makabulig sa aton nga mahuptan ang aton integridad bisan pa maeksperiensiahan naton ini nga dumot? (Sal. 109:1-3; “Ginadumtan nga Wala Sing Kabangdanan”)
9. Ano ang tulad-Cristo nga pagtamod sa pagkadaku, kag paano mahibaluan sang isa nga kinahanglan nga palambuon pa gid niya ini nga pagtamod? (Mat. 20:20-26; “Pagpalambo Sing Tulad-Cristo nga Pagtamod sa Pagkadaku”)
10. Ano ang makabulig sa aton nga makapabilin nga mapagsik sa espirituwal walay sapayan sang kakapoy sa pisikal? (“Ginakapoy Apang Wala Ginalapyo”)
11. Ano ang pila ka palaagyan nga ginapasanyog ni Satanas ang kabutigan, kag ano ang nagakaigo nga reaksion pasad sa Kasulatan sa mga pagtinguha nga gub-on ang aton pagtuo? (Juan 10:5; “Mag-andam sa ‘Tingog Sang mga Estranghero’”)
12. (a) Paano mailog sang mga ginikanan ang halimbawa ni Jesus suno sa rekord sa Marcos 10:14, 16? (b) Ano ang imo nanamian sa bag-o nga libro nga Magtuon Gikan sa Daku nga Manunudlo? (“Ang Aton mga Kabataan—Isa ka Hamili nga Palanublion”)
13. Paano ginadayaw sang mga pamatan-on si Jehova? (1 Tim. 4:12; “Kon Paano Ginadayaw Sang mga Pamatan-on si Jehova”)
14. Ano nga mga danyag gikan sa drama nga “Pagpanaksi nga May Kaisog Walay Sapayan Sang Pagpamatok” ang indi mo gid malipatan?
15. Paano naton mailog ang halimbawa nga ginpahamtang (a) nanday Pedro kag Juan? (Bin. 4:10) (b) ni Esteban? (Bin. 7:2, 52, 53) (c) sang unang siglo nga Cristianong kongregasyon? (Bin. 9:31; drama kag ang pamulongpulong nga “Ibantala ang Maayong Balita Sing ‘Walay Untat’”)
16. (a) Sa anong mga paagi nga namat-od kita nga himayaon ang Dios? (b) Ano ang ginapasalig sa aton kon iaplikar naton ang aton natun-an sa “Himayaa ang Dios” nga mga Kombension? (Juan 15:9, 10, 16; “‘Padayon Kamo nga Magpamunga Sing Madamo’ sa Kahimayaan ni Jehova”)
[Kahon sa pahina 1]
Paagi sa pagpamalandong sa maayo nga instruksion sa espirituwal nga ginpresentar sa kombension, mapahulag kita nga iaplikar ang mga butang nga aton natun-an. (Fil. 4:8, 9) Magapalig-on ini sang aton determinasyon nga ‘himuon ang tanan sa kahimayaan sang Dios.’—1 Cor. 10:31.