Kon Ano ang Isiling Tuhoy sa mga Magasin

Ang Lalantawan Okt. 15

“Ang madamo nga desisyon nga ginahimo naton may nagadugay nga epekto sa aton kabuhi. Ano ang makabulig sa aton nga malikawan ang indi maalamon nga mga desisyon? [Tuguti nga makasabat. Nian basaha ang Hulubaton 3:6.] Ini nga isyu sang Ang Lalantawan nagahatag sing lima ka panuytoy nga ginpasad sa Biblia nga makabulig sa aton sa paghimo sing maalamon nga mga desisyon.”

Awake! Nob. 22

“Natalupangdan mo bala nga dugang kag dugang pa gid nga mabatian naton ang tuhoy sa mga kagaw nga resistensiado sa bulong? [Tuguti nga makasabat.] Ini nga magasin nagausisa sang mga rason tuhoy sa sini kag nagapanugda kon ano ang aton sarang mahimo agod amligan ang aton kaugalingon. Nagahinun-anon man ini tuhoy sa saad sang Biblia nga isa ka kalibutan nga wala na sing magamasakit.” Basaha ang Isaias 33:24.

Ang Lalantawan Nob. 1

“Tanan kita nagakaguba ang pagsalig kon kaisa. Napamangkot mo na bala sa imo kaugalingon, ‘May masaligan pa bala ako?’ [Tuguti nga makasabat. Nian basaha ang Hulubaton 3:5.] Ini nga magasin nagapaathag kon ngaa makasalig gid kita sing bug-os sa Dios. Nagabinagbinag man ini kon paano naton mapat-od kon sin-o nga mga tawo ang dapat naton saligan.”

Awake! Nob. 8

“Ang mga produkto nga halin sa petrolyo nagaapektar sang halos tanan nga bahin sang aton kabuhi. Napaligban mo na bala kon mangin ano ang kabuhi kon wala ini? [Tuguti nga makasabat.] Ini nga magasin nagahinun-anon kon paano ang langis nangin importante kaayo sa moderno nga katilingban. Nagapaathag man ini kon ngaa indi kita dapat magkahadlok nga maubos sa ulihi ang langis.”