Mga Pahanumdom sa Memoryal

Hiwaton ang pagsaulog sang Memoryal sini nga tuig sa Huebes, Marso 24. Dapat talupangdon sang mga gulang ang mga masunod:

◼ Sa pag-iskedyul sang tion sang programa, pat-ura nga ang mga emblema indi mapasa tubtob indi magtunod ang adlaw.

◼ Ang tanan, lakip ang humalambal, dapat pahibaluon sang ensakto nga tion kag sang duog nga hiwatan sang Memoryal.

◼ Dapat tigayunon kag ihanda ang nagakaigo nga sahi sang tinapay kag alak.—⁠Tan-awa ang Pebrero 15, 2003, nga Ang Lalantawan, pahina 14-15.

◼ Dapat abanse nga dal-on sa tilipunan kag ipahamtang sa nagakaigo nga duog ang mga plato, baso, kag lamesa kag hapin sini.

◼ Ang Kingdom Hall ukon ang iban nga duog tilipunan dapat abanse nga tinluan sing maayo.

◼ Ang mga attendant kag mga manugserbe dapat pilion sing abanse kag instruksionan sang ila mga responsabilidad, sang nagakaigo nga pamaagi, kag sang kinahanglanon nga mangin talahuron ang panapot kag pamustura.

◼ Dapat may mga kahimusan sa pagserbe sa bisan sin-o nga hinaplas nga may sablag ukon indi makatambong.

◼ Kon indi lang isa ka kongregasyon ang magagamit sang Kingdom Hall, dapat may maayo nga koordinasyon sa mga kongregasyon agod indi magginutok sa alagyan ukon sa puertahan, sa kalye, kag sa palarkingan.