Kon Ano ang Isiling Tuhoy sa mga Magasin

Ang Lalantawan Hun. 15

“Natalupangdan mo bala nga madamo karon ang may kaugalingon nga mga talaksan sa husto kag sayop? [Tuguti sia nga makasabat.] Yari ang isa ka halimbawa sang wala nagalubad nga panuytoy nga masapwan sa Biblia. [Basaha ang isa ka teksto sa kahon sa pahina 6-7.] Ginapaathag sini nga magasin kon paano kita makabenepisyo sa pagsunod sa maayo nga mga prinsipio sa Biblia.”

Magmata! Hun.

“Nagakinahanglan kita sing kuarta agod mabuhi. Sa banta mo maayo bala nga mangin sobra gid ang aton paghimud-os sa pagpangita sing kuarta? [Tuguti sia nga makasabat.] Talupangda kon ano ang ginasiling diri nga mga resulta tuhoy sa paghimud-os sing mga manggad. [Basaha ang 1 Timoteo 6:10.] Ini nga magasin nagahatag sing pila ka praktikal nga mga panugda kon paano mapasimple sang isa ang iya kabuhi kag mangin kontento sa diutay nga kuarta.”

Ang Lalantawan Hul. 1

“Sa banta mo, ano ang rason ngaa ginamaltrato ang mga tawo nga tuhay sing rasa ukon nasyonalidad ukon nagapamulong sing tuhay nga lenguahe? [Tuguti sia nga makasabat.] Talupangda ang rason nga ginhatag diri. [Basaha ang 1 Juan 4:20.] Ginasabat sini nga magasin ang pamangkot nga, Posible bala ang paghidait sa tunga sang mga tawo?”

Magmata! Hul.

“Indi kaangay sang mga sapat, ang mga tawo may ikasarang sa pagpili kon ano nga talaksan ang ila sundon. Sa banta mo, sa diin kita makasapo sing masaligan nga panuytoy? [Tuguti sia nga makasabat. Nian basaha ang Salmo 119:105.] Ginapaathag sini nga magasin ang pagkalabaw sang panuytoy sang Biblia.”