Kon Ano ang Isiling Tuhoy sa mga Magasin

Ang Lalantawan Pebrero 1

“Sa banta mo ginapamatian ayhan sang Dios ang tanan nga pangamuyo? [Pasabta sia.] Tan-awa bala kon ano ang ginsiling ni Jesus tuhoy sini. [Basaha ang Mateo 6:7.] Kanami gid sini nga artikulo kay yari diri ang sabat sa apat ka pamangkot nga pirme ginapamangkot sang mga tawo tuhoy sa pangamuyo.” Ipakita ang artikulo nga nagasugod sa pahina 16.

Magmata! Pebrero

“Madamo ang nagapati nga gintalana na ang aton palaabuton. Amo man bala sina ang pagpati mo? [Pasabta sia.] Suno sa sini nga teksto may kahilwayan kita sa pagpili. [Nian basaha ang Deuteronomio 30:19.] Mabasa naton diri kon bala ginasakdag sang Biblia ang pagpati nga gintalana ang aton palaabuton.” Ipakita ang artikulo nga nagasugod sa pahina 12.

Ang Lalantawan Marso 1

“Sa banta mo gintalana na bala sing abanse ang tanan nga butang nga matabo sa aton? [Pasabta sia.] Tan-awa bala kon ano ang ginasiling sang Biblia tuhoy sini. [Basaha ang Manugwali 9:11.] Ginabinagbinag sining artikulo nga bisan pa gintalana sang Dios nga may matahom nga palaabuton ang katawhan, gintugutan niya kita nga magpili para sa aton kaugalingon.”

Magmata! Marso

“Indi bala nga bangod sa kapigaduhon, madamo subong ang nagapalibog gid kon paano makakita sing kuarta? [Pasabta sia.] Basaha bala ining balanse nga laygay sang Biblia. [Basaha ang 1 Timoteo 6:8, 10.] Mabasa sa sini nga magasin ang pila ka prinsipio sa Biblia nga makabulig sa aton nga likawan ang tuman nga pagpalibog kon nagapangita sing kuarta.”