Kon Ano ang Isiling Tuhoy sa mga Magasin

Ang Lalantawan Septiembre 1

“Madamo ang nagapati nga sugidsugid lang ang kasaysayan sang Genesis tuhoy kanday Adan kag Eva. Ang iban nagapati nga matuod sila nga mga tawo. Ano sa banta mo? [Tuguti sia sa pagsabat.] Talupangda kon paano sila ginpatuhuyan ni Jesus. [Basaha ang Marcos 10:6-9.] Ginausisa sini nga artikulo ang mga ebidensia kag ginapaathag kon ngaa importante ang aton pagpati parte sa ila.” Ipakita ang artikulo sa pahina 12.

Magmata! Septiembre

Basaha ang 1 Juan 4:8. Nian magsiling: “Nagapati ang pila nga ginapaantos sang Dios sing dayon ang mga malain sa kalayuhon nga impierno. Nagabatyag ang iban nga ini nga ideya nagasumpakil sa aton ginbasa. Ano sa banta mo? [Tuguti sia sa pagsabat.] Ginapakita sini nga artikulo kon ano ang ginatudlo sang Biblia bahin sini.” Ipakita ang artikulo sa pahina 10.

Ang Lalantawan Oktubre 1

“Tanan kita nakaeksperiensia sing mga kabudlayan. [Sambita ang pila nga kinaandan sa inyo teritoryo.] Sa banta mo, buligan ayhan kita sang Dios sa aton mga kabudlayan? [Tuguti sia sa pagsabat.] Sa sini nga bersikulo, ginpahibalo ni Jesus ang isa ka paagi nga ginabuligan kita sang Dios. [Basaha ang Lucas 11:13.] Ginapaathag sini nga magasin kon ano ang balaan nga espiritu kag kon ano ang mabulig sini sa aton.”

Magmata! Oktubre

“Kinaandan na nga may problema sa sulod sang pamilya. Sa banta mo, sa diin ayhan makasapo sing masaligan kag praktikal nga laygay ang mga pamilya? [Tuguti sia sa pagsabat. Nian basaha ang Salmo 32:8.] Ining pinasahi nga gua sang Magmata! nagasugid sang pila ka espesipiko nga prinsipio sa Biblia nga kon iaplikar lamang, makabulig gid sa mga pamilya.”