Kon Ano ang Isiling Tuhoy sa mga Magasin

Ang Lalantawan Nobiembre 1

“Ang mga pamilya sa karon nagaatubang sing madamo nga kabudlayan. Ano sa banta mo ang mangin epekto kon ilugon sang mga miembro sang pamilya ang kinaiya ni Jesus? [Basaha ang Mateo 20:28. Nian tuguti sia sa pagsabat.] Ginapaathag sini nga artikulo ang lima ka butang nga matun-an sang pamilya gikan sa halimbawa ni Jesus.” Ipakita ang artikulo sa pahina 16.

Magmata! Nobiembre

“Ano sa banta mo, ginapasanyog bala sang relihion ang gugma kag paghidait, ukon ang dumot kag kasingki? [Tuguti sia sa pagsabat.] Maathag nga madamo ang wala nagasunod sa sining pinamulong ni Jesus. [Basaha ang Mateo 5:44, 45.] Ginasabat sini nga artikulo ang pamangkot nga, Posible bala nga higugmaon sang isa ang iya kaaway?” Ipakita ang artikulo sa pahina 10.

Ang Lalantawan Disiembre 1

“Sa banta mo, dulaon gid ayhan sang Dios ang tanan nga pag-antos? [Tuguti sia sa pagsabat.] Talupangda ini nga saad sa Biblia nga nagahatag sa aton sing rason agod lauman ini. [Basaha ang isa sa mga teksto nga makita sa kahon sa pahina 7.] Ginapakita sini nga magasin ang ginasiling sang Biblia parte sa kon san-o kag paano dulaon sang Dios ang tanan nga pag-antos.”

Magmata! Disiembre

“May pila nga nagapati nga gintuga ang uniberso, samtang ang iban naman nagapati nga natabuan lamang ang pagluntad sini kag wala ini sing pat-od nga katuyuan. Ano sa banta mo? [Tuguti sia sa pagsabat.] Talupangda ang ginsiling sang Biblia. [Basaha ang Hebreo 3:4.] Ginapaathag sini nga magasin ang ginsuguran kag katuyuan sang uniberso.”