Kon Kinahanglan Mo Gilayon ang Literatura sa Iban nga Lenguahe

Kon kaisa, masugilanon naton ang mga tawo nga luyag magbasa sang aton literatura sa iban nga lenguahe nga wala sa aton kongregasyon. Nahibaluan mo bala nga kon may Internet ka kag printer, maimprinta mo ang literatura sa mga 400 ka lenguahe? Yari ang imo himuon:

• Buksi ang Web site nga www.watchtower.org.

• Sa tuo nga bahin sang home page makita ang listahan sang pila ka lenguahe. I-klik ang globo para makita mo ang tanan nga lenguahe.

• I-klik ang lenguahe nga imo napili. Nian makita mo ang mga literatura nga mahimo maimprinta, subong sang tract, brosyur, kag mga artikulo. Sanglit nasulat ini sa lenguahe nga imo napili, indi magkabalaka kon indi mo mabasa ang mga tig-ulo.

• I-klik ang bisan diin sa sini. Makita sa screen ang materyal kag mahimo mo ini maimprinta.

Ang aton Web site nagaunod lamang sang pila ka publikasyon; matigayon ang dugang sini paagi sa kongregasyon. Kon mangin interesado sia, mas maayo nga mag-order sing literatura sa kongregasyon.