The Bible—Accurate History, Reliable Prophecy

Ano ang ebidensia nga ang Biblia sibu sa maragtas? Anong natuman nga mga tagna sa Biblia ang nagapasalig sa aton nga matuman man ang mga tagna sa palaabuton? Binagbinagon ini nga mga pamangkot sa video nga The Bible—Accurate History, Reliable Prophecy, ang ikatlo nga presentasyon nga yara sa DVD nga The Bible—A Book of Fact and Prophecy. Pagkatapos matan-aw ini nga video, masabat mo bala ang masunod nga mga pamangkot?

(1) Sin-o ang ginhalinan sang masaligan nga impormasyon sa Biblia? (Dan. 2:28) (2) Paano ginlaragway sing sibu sang Biblia ang dumaan nga Egipto, kag paano natuman ang tagna sa Isaias 19:3, 4? (3) Paano ginsakdag sang arkeolohiya ang paglaragway sang Biblia sa mga Asirianhon, sa ila mga hari, kag sa kalaglagan sini? (Nah. 3:1, 7, 13) (4) Ano nga mga tagna parte sa Babilonia ang napamatud-an? (Jer. 20:4; 50:38; 51:30) (5) Ano nga tagna sa Medo-Persia ang natuman? (Isa. 44:28) (6) Paano ang Daniel 7:6 kag 8:5, 8 natuman sa Gresya? (7) Paano natuman ang Daniel 7:7 sang nangin kagamhanan sa kalibutan ang Roma? (8) Sin-o nga Cesar ang ginsambit sa Biblia? (9) Ano ang natabo sa mga Cristiano sang naggahom si Nero? (10) Paano natuman ang mga tagna sa Bugna 13:11 kag 17:10? (11) Ano ang identidad sang ikawalo nga hari? (12) Ano nga mga danyag sa video ang nagapamatuod sa ginsiling sang Manugwali 8:9? (13) Ano nga mga tagna sa palaabuton ang ginahandum mo gid nga matuman? (14) Paano mo magamit ini nga video para makumbinsi ang iban nga ang Dios amo ang Awtor sang Biblia?