Amligi ang Imo Konsiensia

1. Ano ang tema sang adlaw sang pinasahi nga asembleya, kag ano ang katuyuan sini nga programa?

¹ Kada adlaw, nagaatubang kita sing mga kahimtangan nga mahimo makahalit sang aton konsiensia. Amo nga ang aton adlaw sang pinasahi nga asembleya para sa 2013 may tema nga “Amligi ang Imo Konsiensia.” (1 Tim. 1:19) Gindesinyo ini nga programa para buligan kita nga tamdon sing serioso kon paano naton ginagamit ining hamili nga regalo sang aton Manunuga.

2. Anong importante nga mga pamangkot ang pagasabton sa programa?

² Pangitaa Ini nga mga Punto: Sabton sa programa ang pito ka panguna nga pamangkot parte sa konsiensia:

• Ano ang makahalit sa aton konsiensia?

• Paano naton mahanas ang aton konsiensia?

• Paano kita mangin matinlo sa dugo sang tanan nga tawo?

• Ano ang ginapakita parte sa aton kon ginasunod naton ang mga prinsipio sa Biblia?

• Paano naton malikawan nga mapilasan ang konsiensia sang iban?

• Mga pamatan-on, paano kamo makapanindugan kon ginaipit nga magkompromiso?

• Ano nga mga pagpakamaayo ang mabaton sang mga nagasunod sa ila natuytuyan sing espiritu nga konsiensia?

3. Paano kita makabenepisyo sa programa?

³ Sa bulig ni Jehova mabatuan naton ang panikasog ni Satanas nga halitan ang aton konsiensia. Paagi sa Pulong sang Dios kag sa organisasyon, ang aton mahigugmaon nga Amay sa langit nagasiling sa aton: “Ini amo ang dalan, lakat kamo sa sini.” (Isa. 30:21) Ini nga programa isa ka paagi ni Jehova agod giyahan kita, gani planuha nga matambungan ini sing bug-os. Mamati sing maayo, kag binagbinaga kon paano mo maaplikar ang imo matun-an. Hinun-anuni ninyo nga pamilya ang programa. Ang pag-aplikar sang mga panuytoy nga mabaton naton magapabakod sa aton nga padayon nga ‘huptan ang maayo nga konsiensia’ kag magabulig nga malikawan nga mapatalang ni Satanas paagi sa mga ginatanyag sang iya kalibutan.—1 Ped. 3:16.

[Retrato sa pahina 2]

(Ang sugpon sa p. 7.)

[Retrato sa pahina 7]

Amligi ang Imo Konsiensia (Ginpadayon)