Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Mayo

“Tanan kita makahimo gid sing sala. Sa banta mo, mapatawad pa ayhan sang Dios bisan ang mabug-at nga mga sala?” [Tuguti sia nga magsabat.] Ipakita ang artikulo sa pahina 15 sang Mayo 1 nga Lalantawan, kag binagbinaga ang una nga pamangkot kag bisan ang isa lang ka teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Mayo 1

“Gusto namon mahibaluan kon ano ang masiling mo sa sini nga teksto. [Basaha ang 1 Juan 4:8.] Madamo ang nagaugyon sa sini, pero ang iban nagahunahuna nga mapintas ang Dios bangod sia ang may kahimuan, ukon ginatugutan pa gani niya ang mga kalamidad. Ano ang masiling mo sa sini? [Tuguti sia nga magsabat.] Ginapakita sini nga magasin ang mga rason kon ngaa indi naton dapat paghunahunaon nga mapintas ang Dios.”

Magmata! Mayo

“Ginaduaw namon ang mga tawo para istoryahan ang isa ka malubha nga problema—ang krimen. Ang iban nagahunahuna nga dugangan ang mga pulis para makontrol ini. Ano sa banta mo? [Tuguti sia nga magsabat.] Nahibaluan mo bala nga ang Biblia nagpromisa nga sa ulihi madula na ang krimen? [Basaha ang Salmo 37:10, 11.] Ginapakita sini nga magasin nga matuod gid ini nga promisa kag nagahatag man ini sing praktikal nga mga paagi kon paano maproteksionan ang aton kaugalingon sa krimen.”