Pagpauswag sang Aton mga Ikasarang sa Ministeryo—Paghanas sa mga Bag-uhan

Kon Ngaa Importante: Dapat tumanon sang bag-uhan nga mga disipulo ni Jesus ang “tanan nga ginsugo” niya, lakip ang pagtudlo sang kamatuoran sa iban. (Mat. 28:19, 20) Madamo nga bag-uhan ang kalipikado na sa Teokratikong Eskwelahan Para sa Ministeryo kag nakapanaksi na sing di-pormal sa ila pamilya kag mga abyan. Pero, samtang nagalambo ang ila apresasyon sa ila natun-an kag nahangpan nila nga luyag ni Jehova nga ang tanan nga tawo makabati sang maayong balita, mahimo luyag na nila magpakigbahin sa ministeryo sa latagon. (Roma 10:13, 14) Kon maaprobahan ang mga bag-uhan bilang di-bawtismado nga manugbantala, ang maayo nga paghanas makabulig sa ila nga madugangan ang ila kompiansa samtang nagauswag sila sa espirituwal.—Luc. 6:40.