Sampol nga mga Presentasyon

ANG LALANTAWAN

Pamangkot: Sa banta mo, mas maayo bala ang kahimtangan sa kalibutan kon sundon sang tanan ini nga prinsipio sa Biblia?

Teksto: Heb 13:18

Pagtanyag: Ang Biblia nagapalig-on sa aton nga mangin bunayag sa tanan nga butang. Gani ang pagkabunayag may epekto gid sa aton pagkabuhi. Amo ini ang topiko sini nga isyu sang Ang Lalantawan.

ANG LALANTAWAN (pahina sa likod)

Pamangkot: Gusto ko mahibaluan ang imo opinyon sa sini nga pamangkot. [Basaha ang una nga pamangkot.] Ang iban nagapati nga kon mapatay ang tawo nagakabuhi sia sa iban nga porma, samtang ang iban naman nagapati nga ang kamatayon amo ang katapusan sang tanan. Ano ang ginapatihan mo?

Teksto: Man 9:5

Pagtanyag: Ginapaathag sini nga artikulo kon ano ang ginasiling sang Biblia sa sini nga topiko. Ibilin ko ini sa imo para mabasa mo. Dayon istoryahan naton ini sa amon pagbalik.

MAAYONG BALITA HALIN SA DIOS!

Pagtanyag: Nagkadto ako diri kay may ginatanyag kami nga libre nga pagtuon sa Biblia. Ginapakita sini nga brosyur kon diin mo mabasa sa Biblia ang mga sabat sa importante nga mga pamangkot.

Pamangkot: Nakabasa ka na bala sing Biblia? Ipakita ko sa imo nga mahapos lang ang mga leksion sa sini nga brosyur. [Binagbinaga ang pamangkot 1 sa leksion 2.]

Teksto: Bug 4:11

MAGHIMO SANG IMO PRESENTASYON

Gamita ang pormat sini nga mga presentasyon agod maghimo sang imo presentasyon para sa pag-alagad sa latagon.