Mapalig-on Mo ang mga Indi Aktibo nga Cristiano

Kada tuig, madamo nga indi aktibo nga Cristiano ang nagatambong sa Memoryal. Nagadalagan sila sadto sa palumba sang kabuhi pero naghinay bangod sa madamo nga rason, kag ang iban sini ginbinagbinag sa brosyur nga Magbalik kay Jehova. (Heb 12:1) Pero, ang mga indi aktibo palangga gihapon ni Jehova, kay ginbakal niya sila sang dugo sang iya Anak. (Bin 20:28; 1Pe 1:18, 19) Paano naton sila mabuligan nga magbalik sa kongregasyon?

Ginapangita kag ginabuligan sang mga gulang sa kongregasyon ang indi aktibo nga mga Cristiano pareho sa manugbantay nga maid-id nga nagapangita sang karnero nga nadula. (Lu 15:4-7) Ginapakita sini ang mahigugmaon nga pag-ulikid ni Jehova. (Jer 23:3, 4) Tanan kita, indi lang ang mga gulang, puede magpalig-on sa mga indi aktibo. Ang aton panikasog nga magpakita sing kaayo kag simpatiya nagapahalipay kay Jehova kag may maayo gid nga mga resulta. (Hul 19:17; Bin 20:35) Gani, pamensara kon sin-o ang puede mo mapalig-on, kag himua ini gilayon!

TAN-AWA ANG VIDEO NGA PALIG-UNA ANG MGA INDI AKTIBO, KAG DAYON SABTI ANG MASUNOD NGA MGA PAMANGKOT:

• Ano ang ginhimo ni Abbey sang may naistorya sia nga Saksi nga indi niya kilala?

• Ngaa dapat kita makig-istorya anay sa mga gulang kon may gusto kita buligan nga indi aktibo?

• Paano naghanda si Abbey para sa iya ikaduha nga pagbisita kay Laura?

• Paano ginpakita ni Abbey ang determinasyon, pasensia, kag gugma sa iya pagpalig-on kay Laura?

• Ano ang matun-an naton sa ilustrasyon ni Jesus sa Lucas 15:8-10?

• Ano nga mga pagpakamaayo ang resulta sang pagbuligay sang kongregasyon para mapalig-on si Laura?