Pagpauswag sang Aton Ikasarang sa Ministeryo—Pagsugod sing Pag-istoryahanay nga Magadul-ong sa Pagpanaksi

Si Jesus nakapanaksi sing indi pormal sa Samaritana kay ginsugdan niya ang pagpakig-istorya. Paano naton mapauswag ang aton ikasarang sa pagpakig-istorya sa mga indi naton kilala?

• Mangin mainabyanon kag makig-istorya sa mga tawo. Bisan pa lapyo na si Jesus, ginsugdan niya ang pagpakig-istorya paagi sa simple nga pagpangayo sing tubig. Gani puede mo sugdan ang pagpakig-istorya paagi sa pagtamyaw, dayon magkomento parte sa panahon ukon sa pinakaulihi nga balita. Tandai nga ang imo katuyuan amo nga makapakig-istorya. Gani mag-istorya parte sa bisan ano nga topiko nga sa banta mo manamian sang tawo. Kon indi sia magsabat, indi ka man pierde. Testingi liwat sa iban. Mangayo sing kaisog kay Jehova.—Ne 2:4; Bin 4:29.

• Mangin alisto sa kahigayunan nga masugid ang maayong balita, pero indi ka magdali. Mag-istoryahanay lang anay. Kon piliton mo nga makapanaksi dayon, basi indi na sia mag-istorya sa imo. Indi ka lang maluyahan sing buot bisan pa natapos ang inyo pag-istoryahanay nga wala ka makapanaksi. Kon nakulbaan ka magpasulod sang topiko parte sa maayong balita, magpraktis anay sa pagpakig-istorya sa iban bisan indi mo tuyo nga magpanaksi. [Ipatan-aw kag binagbinaga ang una nga video.]

• Tinguhai nga makahimo sing kahigayunan nga makapanaksi paagi sa pagkomento sing positibo parte sa imo pagtuo nga mahimo magpahulag sa imo kaistorya nga mamangkot sing dugang. Naghambal si Jesus sing makapahunahuna nga mga butang nga nagpahulag sa babayi nga mamangkot. Gani nasugid ni Jesus sa iya ang maayong balita paagi sa pagsabat sa iya mga pamangkot. [Ipatan-aw kag binagbinaga ang ikaduha nga video, dayon ipatan-aw kag binagbinaga ang ikatlo nga video.]